Ш. М. Мирзиёевга Нусхаси-Ўзбекистон Республикаси Адлия Вазири Р. Давлетовга

Абдураҳмон Жомий ҳазратлари: “Билиб иш қилгинки, бўлсин фойда ғоят,
Ёғилсин охири бошингга раҳмат. деганлар
“Ҳаёт барчамиздан дадил ҳаракатларни, фаол ташаббусларни, ҳамма соҳада ҳаққоний ва одил муносабатни талаб этмоқда” Ш.МИРЗИЁЕВ.
Президентимизнинг олимларга, устоз, зиёли ўқитувчиларга кўрсатаётган ғамхўрлиги уларнинг педагогик мақомини баланд кўтариш, камторона меҳнатини қадрлаш, соҳага доир қабул қилинган қарорларда ўз ифодасини топмоқда. Ҳар бир ишда илм аҳли билан кенгашиш, ҳаётнинг барча соҳаларида илм –фан ютуқларига таяниш, уни кенг тадбиқ этиш вазифаси бугун устуворлик касб этмоқда.
Нега инсонни тоққа қиёслашади? Тоғ совуқда музламас, иссиқда эримас, шамолда эгилмас, ўзидан булоқлар, дарёлар ҳосил қилсада уларга қўшилиб оқиб кетмас экан.
Устозлик – олий рутба, юқори мақомга эга. Устоз ақлингизни чархлайди. Сизни бахтингизни ва яхшилигингизни ифода этишга чорлайди, сизга ўқиш, ёзиш, ҳисоб – китоб, илму – маърифатни, гўзал аҳлоқни ўргатиб, етукликка етаклайди.
Қалби дарё, қадри аъло устоз,
Жаҳон ободлиги устоз биландур.
Дилда қарор бўлмс устоз бўлмаса,
Камолот, кашфиёт устоз биландур.
Ишда барор бўлмас устоз бўлмаса.
Президент Шавкат Мирзиёевга
Халқимга хуш меҳрибон эй шоҳи султоним менинг,
Тўла кўнгилларга нур, эй моҳитобоним менинг.
Илтижо айлаб Худога сизни қилгум минг дуо,
Ҳар ғариб бечорага парвона дармоним менинг.
Ҳар куни имзо қилурсиз халқ учун фармон, қарор,
Сўрагайсиз эртаси “Не бўлди фармоним менинг”.
Боғладингиз оқибат Жомий – Навоий риштасин,
Тожику – ўзбек элида хуш ғазалхоним менинг.
Ул таворих зарварақларинда қолмиш ном улуғ,
Юртбошим Сиз ўзингиз ҳамда раҳбоним менинг.
Тарағай, Бобур каби, Мирзо Улуғбек сингари,
Эл – улуснинг қалби жо бўлган имоним менинг.
Президентимиз томонидан қабул қилиниб, эълон қилинаётган барча турдаги қонунлар, қарорлар, фармонлар, фармойиш, кўрсатма, топшириқ ва вазифаларда, таклиф, тавсия, ғоя, фикр, маслаҳат, ташаббус, тилак, истакларда инсон манфаати ҳамма нарсадан устун тамойилига сўзсиз амал қилиб, халқимизга, фуқароларимизга муносиб турмуш шароитларини яратиб беришга астойдил киришиб, бағрикенглик қилиб фаолият олиб бораётгани учун ташаккур билдирамиз.
“Инсонларнинг дарду ташвишларини ўйлаб яшаш- одамийликнинг энг олий мезонидир” Ш.МИРЗИЁЕВ
Инсон ўз ҳаётида ҳамиша бахтли, омадли, саодатли яшасам дейди. Турмушининг фаравон бўлишини, орзу – ниятларининг ушалишини истайди, ҳеч кимдан кам бўлмасликка интилади. Зотан, унинг бунга тўла ҳаққи бор. Умр одамга бир марта берилади. Ўз ҳовли – уй - жойига эга бўлиш – ҳар бир инсоннинг ўзини бахтли хис қилиши, тўкин яшаши, эзгу истакларини рўёбга чиқаришида муҳим омиллардан бири. Бошимизни пана қиладиган, турли ҳавф – хатарлардан ҳоли, хотиржам яшашга имкон берадиган ҳовли – уй – жойимиз бўлса, кўнглимиз тўқ бўлади, келажакка ишонч билан қараймиз, катта мақсадларни илмий ишларни дилга тугиб, бунёдкорликка, яратувчанликка интилиб, ҳаракат қилиб яшаймиз ва меҳнат қиламиз.
Бироқ сайёрамиз аҳолиси мунтазам ўсиб, ҳар қарич ернинг аҳамияти тобора ошиб бораётган бугунги замонда одамларнинг бир мўъжаз бошпана соҳибига айланиши, тўғриси, осон эмас. Бунинг учун аҳоли даромадларини ошириш, кишиларни ҳовли уй – жой билан таъминлашга доир истиқболли дастурларни ҳаётга тадбиқ этиш, кўчмас мулкларни сотиб олиш учун турли қулайлик ва имтиёзлар яратиш ва ёрдам бериш лозим.
Уйи борнинг ўйи йўқ. Уй қуриш хамирдан қил суғургандек битадиган осон иш эмас. Аввало, ер участкаси ажратиш, кейин эса қурилишга рухсат олиш учун, тўғрисини айтиш керак, баъзан ҳафталаб, ойлаб турли идоралар эшигида сарғайишга тўғри келади. Шундан сўнг қурувчи ва усталар топиш, уларга иш ҳақи, муносиб шароит ҳозирлаш, нон – чой бериш, бу ёқда эса гоҳ цемент, гоҳ қум, ёғоч, тахта, ғишт ва шифер, эшик – дераза, бўёқ ва пардозлаш материалларидан тортиб, мих етишмовчилиги ва барча ашёларни қидириб топиш ва қурилиш жойига ташиб келтириш харажатлари ва оворагарчиликлар инсонни тинкасини қуритади.
“Асосий мақсадимиз инсонларга қулайлик яратиш, уларнинг турмуш фаровонлигини юксалтириш, уй – жойлар тақсимотида адолат мезонига қатъий риоя этилиш керак, шунда инсонларнинг кайфияти яхши, хаётдан рози бўлишига, эртанги кунга ишончи ортади. Ўз ҳовли уй – жойига эга бўлиш ҳар бир инсон ҳаётида қанчалик муҳим эканини барчамиз яхши биламиз. Халқимиз уйи борнинг ўйи йўқ, деб бекорга айтмаган” Ш.МИРЗИЁЕВ.