Ш. А. Агзамова, Э. А. Шамансурова, Д. К. Ганиева, С. А. Убайдуллаева

ҚАРШИ КЎРСАТМАЛАР 
Физиотерапияга қарши кўрсатмалар: простата безининг хавфли ўсмаси 
ва II –III- даражадаги хавфсиз гиперплазия. 

---

189 
САНАТОР-КУРОРТ ДАВО 
Простата бези хавфсиз гиперплазияси I-даражаси билан оғриган 
беморларни маҳаллий ѐки махсус санаторийларга юборилади. Аксарият 
беморларнинг кексалигини ва организмнинг индивидуал реактивлигининг 
пастлигини инобатга олиб простата бези хавфсиз гиперплазияси билан 
оғриган беморларни маҳаллий курортларга юбориш тавсия этилади. 
Простата безининг II –III- даражадаги хавфсиз гиперплазияси билан оғриган 
беморларга санатор-курорт даво тавсия этилмайди. 
Санатор-курорт даво этапида даволовчи жисмоний тарбия, хусусан 
даволовчи гимнастика, сайр қилиш, терренкур муҳим аҳамият касб этади. 
Даволовчи гимнастика муолажаси давомида бемор умумқувват берувчи, 
ҳамда махсус машқларни бажаради, бу кичик тос ва қорин девори 
мушакларини мустаҳкамлайди, лимфа- ва қон айланишини яхшилайди, 
кичиктос аъзоларида димланиш ҳолатини камайтиради. 
Санатор-курорт давога қарши кўрсатма: простата безининг хавфли ўсмаси ва 
II –III- даражадаги хавфсиз гиперплазия. 
ФИЗИОМУҲОФАЗАЛАШ 
Простата безининг хавфсиз гиперплазияси физиопрофилактикаси 
гипоталамо-гипофизар 
даражасида 
нейроэндокрин 
жараѐнларни 
стабилизация қилишга, кичик тос аъзоларида лимфа- ва қон айланишини 
яхшилашга, организмнинг носпецифик резистентлигини оширишга ва 
операциядан кейинги асоратларни профилактика қилишга қаратилган. 
Курорт терапияси ва даволовчи жисмоний тарбия етакчи рол ўйнайди: ҳаво 
ва қуѐшли ванналар, денгизда чўмилиш, гигиеник гимнастика, дозаланган 
пиѐда юриш. 
ТАКРОРЛАШ УЧУН САВОЛЛАР: 
1. Сурункали циститда қўлланиладиган физиотерапиянинг вазифалари 
2. Сурункали циститда давонинг физик усуллари 
3. Сурункали циститда давонинг яллиғланишга қарши физик усуллари 
4. Сурункали циститда қўлланиладиган давонинг миорелаксация усуллари 

---

190 
5. Сурункали циститда қўлланиладиган давонинг диуретик усуллари 
6. Простатитда қўлланиладиган физиотерапиянинг вазифалари 
7. Простатитда қўлланиладиган давонинг физик усуллари 
8. Простатитда қўлланиладиган аналгетиклар электрофорезини ўтказиш 
техникаси 
9. Сурункали уретритда санатор-курорт даво босқичи 
10. Простата безининг хавфсиз ўсмасида санатор-курорт давога қарши 
кўрсатмалар 
11. Гломерулонефритда давонинг физик усуллари 
12. Сурункали гломерулонефритда санатор-курорт давонинг самарадорлик 
мезонлари 
13. Пиелонефритда физиотерапевтик давога қарши кўрсатмалар 
14. Сийдик-тош касаллигида санатор-курорт даво 
15. Сийдик-тош касаллигида физиотерапевтик муолажанинг асосий 
вазифалари