Servis korxonalarini modernizatsiyalash bilan xizmat ko’rsatish samaradorligini oshirishning nazariy masalalari

3.Servis korxonalari iqtisodiy samaradorligini oshirish maqsadida xizmat, xizmat ko’rsatish va serisni ta’rifini takomillashtirish
Ma’lumki, tushuncha narsa va hodisalarning muhim xususiyatlari, aloqalari va munosabatlarini aks ettiruvchi tafakkur shaklidir. Tushuncha bilish mahsulidir, bu bilish oddiydan murakkabga ko’tarila borib, eski tushunchalarni mukammalashtiradi, aniqlashtiradi va yangilarini shakllantiradi. Tushunchaning asosiy mantiqiy vazifasi biron narsani boshqa narsadan fikran ajratishdan iboratdir. Tushuncha taqqoslash, analiz, sintez, abstraksiyalash, umumlashtirish kabi mantikiy usullardan foydalangan holda hosil qilinadi. Tushuncha abstraksiyadan iboratdir, bu hol tushunchada voqelikdan uzoqlashgandek tuyulsada, haqiqatda esa tushuncha yordamida voqelikning muhim tomonlarini ajratib, tadqiq qilish yo’li bilan chukurroq bilib olinadi.
Predmetlarini turkumlarini ajratish va bu predmetlarni umumlashtirish, jamiyat va tabiat qonunlarini bilishning zarur sharti bu ta’rif hisoblanadi. Har bir fanda muayyan ta’riflar bilan ish ko’rilib, ularda bilimlar jamlanadi. Umuman, boshlang’ich tushunchalar asosida boshqa yangi shakl va tushuntirishlar haqida tushuntirib berish bu ta’rif deyiladi.
Shulardan kelib chiqgan holda, biz “xizmat”, “xizmat ko’rsatish” va “servis” tushunchalarini ta’rifini keltirib chiqaramiz. Buning uchun bu tushunchalarning kelib chiqishi va inson hayotiga evolyusion yo’l bilan kirib kelganligi va. endilikga kelib (oxirgi 60 -70 yillar) uning yangi shakli servis paydo bo’ldi va hozirgi vaqtda butun dunyo bo’yicha rivojlanib bormoqda.
Lekin, olib borilgan paradigmal tahlildan qilingan xulosada bu tushunchalar xam alohida bo’lishi, ham bir biriga: xizmatdan, xizmat ko’rsatishga, undan servis va yana xizmatga o’tish bog’liqlik tizimida ekanligi ko’rsatilgan edi (2 a - rasmga qarang) .
Shuning uchun ham, ularning evolyusion rivojlanganligini inobatga olib, bog’liqlik tizimini: xizmat xizmat ko’rsatish servis deb qabul qilishimiz lozim (2 b - rasm).
a) b)