“Сервис” илмий-амалий журнал 020 йил 4-сон сервис

Мавзуга оид адабиѐтларнинг таҳлили. 2016-2020 йиллар давомида қабул қилинган 
74 дан ортиқ меъѐрий-ҳуқуқий ҳужжатлар мамлакатимизда туризм соҳасининг шиддат 
билан ривожланиши учун бирламчи ва зарурий шароитларни яратиб берди (1-жадвал). 
1-жадвал 
2016-2020 йиллар давомида туризм соҳасига оид қабул қилинган меъѐрий-
ҳуқуқий ҳужжатлар 
Меъѐрий-ҳуқуқий хужжатлар 
Миқдори 
Ўзбекистон Республикаси Қонунлари 
1 
Ўзбекистон Республикаси Президенти Фармонлари 
17 
Ўзбекистон Республикаси Президенти Қарорлари 
17 
Ўзбекистон Республикаси Президенти Фармойишлари 
1 
Ўзбекистон Республикаси Вазирлар Маҳкамаси қарорлари 
29 
Ўзбекистон Республикаси Вазирлар Маҳкамаси фармойишлари 
8 
Қўйилган мавзуни илмий жиҳатдан асослаш учун қатор меъѐрий-ҳуқуқий ҳужжатлар 
ўрганилди. Хусусан, Ўзбекистон Республикаси Президентининг 2016 йил 2 декабрдаги 
ПФ-4861-сонли «Ўзбекистон Республикасининг туризм соҳасини жадал ривожлантиришни 
таъминлаш чора-тадбирлари тўғрисида»ги Фармони, Ўзбекистон Республикаси Вазирлар 

---

“Сервис” илмий-амалий журнал 
 
2020 йил 4-сон 
89 
Маҳкамасининг 2018-йил 24-ноябр 954-сон ―Ўзбекистон Республикасида меҳмонхона 
бизнесини жадал ривожлантиришга доир қўшимча чора-тадбирлар тўғрисида‖ги, 2018 йил 
7 августдаги 631-сон ―Оилавий меҳмон уйлари фаолиятини ташкил этиш тўғрисида‖ 
Қарорлари тадқиқотимизнинг назарий-методик асоси бўлиб хизмат қилди.
Тадқиқот методологияси. Мақолани тайѐрлашда мантиқий таҳлил, илмий 
мушоҳада, статистик гуруҳлаш, қиѐсий таҳлил, анализ ва синтез, индукция ва дедукция, 
илмий абстракция усулларидан фойдаланилди.
Таҳлил ва натижалар. Туризм соҳасини миллий иқтисодиѐтнинг стратегик сектори 
сифатида ривожлантиришга қаратилган ислоҳотлар ўзининг ижобий натижаларини берди 
Ўзбекистонга келаѐтган чет эллик меҳмонлар сони йил сайин кескин ўсиш даражаларини 
намоѐн этган ҳолда ортиб борди. Шундай қилиб, 2017 йилда Ўзбекистон Республикасига 
2,690 минг хорижий сайѐҳ ташриф буюриб, ушбу кўрсаткич 2016 йилга нисбатан 32,7 
фоизга кўпдир. Ўз навбатида, 2018 йил давомида чет еллик ташриф буюрувчилар сони 
2017 йилнинг мос давридаги кўрсаткичларидан 99 фоизга ошди ҳамда 5346 минг кишини 
ташкил этди. 2019 йилда Ўзбекистон Республикасига 6748 минг хорижий турист ташриф 
буюрган, ҳамда 2018 йил кўрсаткичлардан 26,2 % га кўпдир.