“Сервис” илмий-амалий журнал 020 йил 4-сон сервис

Тадқиқот методологияси. Мавзу юзасидан илмий-тадқиқот ишларини олиб 
боришда кузатиш, солиштириш, суҳбат, анкета сўровлари каби усуллардан фойдаланилди.  
Таҳлил ва натижалар. Таҳлилий маълумотларга кўра [12], таъкидлаш жоизки, 2005 
йилдан бошлаб 2019 йил якунига қадар Ўзбекистон Республикасига ташриф буюрувчи 
туристлар сони йилдан-йилга ўсиб борган. Ўтган 2019 йилда юртимизга 163 мамлакатдан 
6,75 млн. турист келган (1-расм). 
 
1-расм. 2005-2019 йилларда Ўзбекистон Республикасига ташриф буюрган 
туристлар сони кўрсаткичлари 
Ваҳоланки, Американинг ―Harper's Bazaar‖ нашри 2020 йилда албатта саѐҳат қилиш 
лозим бўлган 20 та энг яхши йўналишлар рўйхатида Ўзбекистон биринчи ўринни эгаллади. 
Мақолада таъкидланишича, ―Сайѐрамизда бизни ҳайратга солувчи Эйфель минораси, 
Сидней опера театри ва Пирамидалар каби бир нечта сунъий иншоотлар. Улар бизни 
суратлар орқали ўзига чорлайди ва биз ўша томонлар сари ошиқамиз. Мана шу ѐдгор-
ликлар қаторига яна бир мўъжиза – Самарқанд марказий майдонида жойлашган уч бино, 
мураккаб нақш ва мовий гумбазли Регистонни қўшиш вақти келди‖ [14]. Шунингдек, 
рўйхатнинг кейинги ўринларини Хьюстон (АҚШ), Бразилия, Япония, Нью-Йорк (АҚШ), 
Франция, Уругвай, Австрия эгаллаган.
Аммо, коронавирус пандемияси туризм соҳасига 
салбий таъсир кўрсатди. Жаҳон туризм ташкилоти маълумотларига кўра, 2020 йил 
якунлари бўйича халқаро саѐҳатлар 89 фоизга, иш ўринлари 74 миллионтага қисқариши, 
соҳадаги жами йўқотишлар 800 миллиард долларни ташкил этиши кутилмоқда [1].

---

“Сервис” илмий-амалий журнал 
 
2020 йил 4-сон 
101 
Мавзунинг долзарблиги ва ҳозирги даврда юртимизда туризм соҳасида амалга 
оширилаѐтган салмоқли ишлар кўламини ўргандик. Шу билан бирга мазкур соҳага
тегишли муаммолар ҳам талайгина. Илмий-тадқиқот иши таҳлилига эътибор қаратилса, 
туризм соҳасида кадрлар тайѐрлаш модул тизимининг бозор ислоҳотлари талабларига ва 
демократик янгиланишларга эндигина мослашаѐтганлиги, ўқув жараѐнининг моддий-
техника ва ахборот базаси тўлдирилаѐтганлиги, ОТМларида юксак илмий салоҳиятли 
профессор-ўқитувчиларнинг ва ўқув-услубий, илмий адабиѐтлар ҳамда дидактик 
материалларнинг етарли эмаслиги, ОТМлари ва замонавий кадрларга эҳтиѐжи бўлган 
корхоналар ўртасида мустаҳкам алоқа ўрнатилмаганлиги, корхона ва ташкилотларнинг 
олий таълим муассасалари қабул режасини шакллантириш учун берган буюртмаларининг 
битирувчиларга бўлган эҳтиѐжларига номувофиқлиги, олий таълим муассасаларида 
кадрларни мақсадли тайѐрлаш, кадрлар билими ва улар тайѐргарлигини сифатли назорат 
қилиш, улар меҳнатидан унумли фойдаланишга эътиборни сусайтириб юборилганлиги 
кўзга ташланади.