“Сервис” илмий-амалий журнал 020 йил 4-сон сервис

Тадқиқот методологияси. Малакали кадрлар тайѐрлаш жараѐни ва ўқув-услубий 
таъминоти, ўқув режа ва дастурларини кадрлар истеъмолчиларининг етакчи 
мутахассислари томонидан танқидий таҳлил этилишини таъминлаш, олий таълим 
йўналишлари (мутахассисликлари) малака талаблари, ўқув режа ва дастурлари мазмунига 
қўйиладиган талабларни иш берувчи корхоналар ва олий таълим муассасалари билан 
ҳамкорликда шакллантириш. 
Таҳлил ва натижалар. 
Педагогик янгиланиш предмети янгиланиш жараѐни 
самарадорлиги ва уларни аниқловчи омиллар орасидаги боғлиқлик, шунингдек, 
ўзгаришлар самарадорлигини ошириш мақсадида шу омилларга таъсир этиш усулларидан 
иборат. Инновацион жараѐнлар қуйидаги босқичларга ажралади:
1. Янги ғояларнинг туғилиши ва янгиланиш концепциясининг пайдо бўлиш 
босқичи. Бу шартли равишда фундаментал ва амалий изланишлар натижаси тарзида 
янгилик яратиш дейилади.
2. Яратиш босқичи. Муайян объектда амалга оширилган янгилик-моддий ѐки 
маънавий нарса-намуна.
3. Янгилик киритиш босқичи. Яратилган янгилик амалиѐтга татбиқ этилади, қайта 
ишланади. Бу босқич киритилган янгилик-дан юқори самарага эришиш билан якунланади. 
Сўнг янгиликнинг мустақил ҳаракатланиши бошланади. Янгиликлар қўлланилиш 
жараѐнида янада бошқа босқичларга ажралади.
4. Янгиликларнинг ҳаѐтга татбиқ этиш босқичи. Янгиликларни бошқа соҳаларга 
ҳам кенг қўллашда намоѐн бўлади. 5. Муайян соҳада янгиликнинг турғун хизмат қилиш 
босқичи. 
Маълумки, педагогик инновация фаолиятининг субъекти ўқитувчи ва унинг 
шахсий имконияти ҳисобланади. Бунда ўқитувчи шахсининг ижтимоий-маданий, 
интеллектуал ва ахлоқий имкониятлари юксак аҳамиятга эга бўлади. Инновацион 
жараѐннинг моҳияти – ўқитувчи ва талабаларнинг биргаликдаги фаолияти мазмунида акс 
этади, мазкур жараѐнда педагог талабаларга юзага келган қийинчиликларни енгишга ѐрдам 
беради. Педагогик ѐрдамнинг асосий моҳияти инновацион услубнинг тавсифи, унинг 
мақсадга йўналтирилганлиги, шунингдек, шахсни шакллантириш ва тарбиялаш борасида 
ҳал этиладиган вазифалар билан ифодаланади. Талабаларнинг шахсий хислатлари 
педагогик жараѐннинг субъекти сифатидан қуйидагиларни ўз ичига олади: ўқитишнинг 
ҳозирги ва келгуси босқичлари учун қабул қилинган ўқув-тарбия жараѐнининг мақсади, 
вазифаси ва кўрсатмаларни англай билиш; интеллектуал меҳнатнинг янги турларини 
эгаллаш; мақсадга мувофиқ касбий ўз-ўзини тарбиялаш ва мустақил таҳсил олиш, 
қийинчиликларни аъло даражада енга билиш, ўсиш ва мустаҳкам ўрин эгаллашнинг 
кенгаяѐтган интеллектуал ва касбий имкониятлари, истиқболлари билан қониқиш, ўзининг 
ижтимоий роли функциясини бажаришда фаол муносабатда бўлиш ва ҳоказо. Инновацион 
педагогик жараѐннинг энг муҳим йўналишларидан бири ўқувчи-талабаларнинг билиш 
фаолиятини ривожлантириш. Бундай йўналиш ўқувчи-талабаларнинг ўқув жараѐнин 

---