“Сервис” илмий-амалий журнал 020 йил 4-сон сервис

 
Кириш. Янгиланаѐтган ва ривожланишнинг янги бир даврини ўтказаѐтган 
мамлакатимизда рақамли иқтисодиѐтни ривожлантириш бугунги куннинг асосий масаласи 
ҳисобланади. Мамлакатда рақамли иқтисодиѐтни ривожлантиришнинг дастлабки босқичи бу 
иқтисодиѐтнинг барча тармоқларига таҳлилни олиб киришдир. Бугунда мамлакатимизда 
иқтисодиѐтнинг барча тармоқларини бирдек ривожлантириш, ҳар бир тармоқ бўйича жаҳон 
бозорида ўз ўрнини эгаллаш ҳамда мамлакатимизда рақамли иқтисодиѐтни ривожлантириш 
бўйича кўплаб ислоҳотлар олиб борилмоқда. Ушбу ислоҳатларнинг натижалари, 
иқтисодиѐтнинг кечаси, бугунини ўрганишни ҳамда келажагини башоратлашни иқтисодий 
таҳлилсиз тасаввур қилиш мумкин эмас. Иқтисодиѐтнинг қайси тармоғини олмайлик уни 
таҳлил қилиш жараѐнида албатта маълум боғлиқликдаги рақамлар кетма-кетлигига дуч 
келишимиз табиийдир. Ҳар қандай математик функция ҳаѐтимиздаги мавжуд бир қонуниятни 
ўзида акс эттиради. Бундан келиб чиқадики, иқтисодий кўрсаткичларнинг бир-бирига боғлиқ 
ҳолда ўзгариши ҳам маълум функцияларда ўз аксини топиши мумкин. 
Мавзуга оид адабиѐтларнинг таҳлили. Ушбу мавзу бўйича маҳаллий ва хорижий 
адабиѐт манбалари таҳлили, туризм соҳасида фундаментал тадқиқотлар қаторида 
И.Енджейчик [1], Ф.Котлер, Дж.Боуэн, Дж. Мейкенз [2] сингари хорижий олимларнинг, 
И.С.Тухлиев [3], М.К.Пардаев[4], Н.Т.Тухлиев [5], Е.В.Голышева [6], М.Т.Алимова [7], 
А.А.Эштаев [8], К.Б.Уразов [9], Н.У.Худойбердиев [10], М.Ж.Темирханова [11], П.З.Хошимов 
[12] сингари маҳаллий иқтисодчи олимларнинг туризм соҳасидаги турли масалалари бўйича 
илмий-тадқиқот ишларини олиб бормоқдалар. Аммо туризм хизматлари рақобатбар-
дошлигини оширишда ҳамда таҳлилни ривожлантиришда математик функциялардан 
фойдаланиш самарадорлиги бўйича илмий-тадқиқот ишлари олиб борилмаган. 
Тадқиқот методологияси. Илмий-тадқиқот ишида статистик ва иқтисодий таҳлил 
усуллари, таҳлил, синтез, мавҳумий-мантиқий таҳлил, шунингдек, танловли кузатув, 
социологик сўров, SWOT-таҳлил, қиѐслов, лотериал маркетинг усулларидан фойдаланилган.