“Сервис” илмий-амалий журнал 020 йил 4-сон сервис

“Сервис” илмий-амалий журнал 
 
2020 йил 4-сон 
130 
Kichik biznes sub‘ektlari barcha soha va tarmoqlarda bo‗lgani kabi iste‘mol tovarlari 
ishlab chiqarishda ham asosiy manba hisoblanmoqda. Ishlab chiqarilayotgan tovarlarini ichki va 
tashqi bozorlarga kichik biznes va xususiy tadbirkorlik sub‘ektlari o‗zlari mustaqil sotmoqda. 
Bunda kichik biznes va xususiy tadbirkorlik sub‘ektlari ichki va tashqi bozor kon‘yunkturasi, 
raqobat muhiti, iste‘molchilar ehtiyojlarini o‗rganishda bir qator muammolarga duch kelmoqda. 
Jahon amaliyoti tajribasidan ma‘lumki, kichik biznes sub‘ektlarining asosiy muammolari 
moliya, menejment va marketing bilan bog‗liqdir. Xorijiy manbalar tahliliga e‘tibor qaratadigan 
bo‗lsak, buni yaqqol isbotini ko‗ramiz. Kichik biznes sub‘ektlari uchun eng muhim bo‗lgan 10 ta 
biznes muammolari mavjud
1
. 
1. Moliyaviy boshqaruv - byudjetni yaratish, moliyaviy hisobotlarni yuritish, xarajatlarni 
kuzatish, to‗lovlarni to‗lash va boshqalar. 
2. Sifatli jamoani yaratish – kichik biznesni rivojlantirish uchun yordam beradigan inson 
resurslarini (kadrlarni) topish va yollash. 
3. Xodimlarga tibbiy yordam ko„rsatish - xodimlar uchun to‗g'ri echimlarni topish, uni 
byudjetga moslashtirish va hk. 
4. Brendning o„ziga xosligini yaratish – kichik biznes sub‘ektlari o‗zlarining bozordagi 
o‗rni, raqobatchilardan ajralib turishi, iste‘molchilar ongidagi tasavvurlarni shakllantirish uchun 
o‗ziga xos brendini yaratishi lozim.
5. O„z biznes ko„lamini kengaytirish – biznesni rivojlantirish va uni qo‗llab-quvvatlash 
uchun to‗g'ri strategiyani aniqlash. 
6. Qoidalarga rioya qilish – biznesni yuritishda mamlakat qonunlariga qat‘iy rioya etish. 
7. Naqd pul oqimi bilan ishlash – kichik biznes sub‘ektlari o‗z foydasidan to‗g‗ri 
narsalarga sarflashi muhim.