Сентябрь Тарбиячининг бир ҳафталик намунавий иш режаси

Ижтимоий-ҳиссий ривожлантириш
Катталар ва тенгдошлар билан мулоқот жараёнида оддий ва умумий қабул қилинган меъёр ва қоидаларга риоя этиш (ҳис туйғуларни ҳосил қилиш)
Нутқ, ўқиш ва саводга тайёрлаш		Ҳаракат фаоллигини, майда қўл моторикасини, нутқни ривожлантириш,мебелни тасвирлай олиш ва уни таққослаш. Таянч сўзлар асосида гап тузиш,расмга қараб тасвирлаш ва ижодий сўзлаб бериш. Бадиий асарни эшита билиш ва у бўйича саволларга тўғри жавоб бериш, суҳбат жараёнида иштирок этиш ва унга ўз фикрини билдириш; Бадиий асарни ҳиссиёт билан қабул қилиш.
Билиш жараёни		Болаларни мебель, унинг турлари ва асосий қисмлари билан таништириш. Мебелни тасвирлаш ва таққослашни ўргатиш, мебелни тузилишидаги ўзига хос хусусиятларини расмда акс эттириш. Суҳбат юзасидан болаларда ўз фикрини билдира олиш кўникмасини ривожлантириш. 5 гача бўлган саноқда геометрик шакллар ва предметларнинг шакллари билан таққослашни машқ қилдириш; Болаларда кун қисмлари ҳақидаги тасаввурларнни кенгайтириш; Болаларнинг бел,оёқ, қўл бўғинларини ривожлантириш.
Ижодий ривожлантириш		Ҳаракатларни аниқ бажара билиш . Куйнинг рақсбоб,қувноқ характерини ҳис этиш,ҳар хил характерли ҳолатларини фарқлаш. Майдондаги мўлжални эркин олиб, енгил югуриш. Катта столни чизиш, тўғри бурчакли шаклни тасвирлаб бериш. Атроф олам ҳақидаги тасаввурларини расмда акс эттира олишни ривожлантириш Болаларда ўзи чизган рамларини томоша қилиш ҳисссини уйғотиш, Уларга нисбатан ўз муносабатини билдириш.