Семинар машғулотларнинг асосий турлари

Кластерни тузиш бўйича ўқув топшириғига йўриқнома

1. 
   Катта қоғоз варағи марказида калит сўз ёки 1-2 сўздан иборат мавзу номини айлана ичига ёзинг.
   
2. 
   Калит сўз билан бирлашадиган ён томонига кичкина ҳажмдаги айлана - “йўлдошча” ичига мавзу билан алоқадор сўз ёки сўз бирикмасини ёзинг. Уларни чизиқ билан “бош” сўзга боғланг.
   
3. 
   Ушбу “йўлдошча”ларда “кичик йўлдошлар” ҳам бўлиши мумкин, улар ичига яна сўз ёки иборалар ёзиб ажратилган вақт тугагунга қадар ёки ғоялар тугамагунга қадар давом эттирилади.
   

Тоифали жадвал - маълумотларнинг умумий жиҳатларидан айнан ўзига хос томонларини ифодалаб, маълумотларни бирлаштиришни таъминлайди. Тизимли фикрлаш, маълумотларни таркиблаштириш ва тизимлаштириш кўникмасини ривожлантиради.

Тоифали жадвални тузиш бўйича ўқув топшириғига йўриқнома

1. 
   Ўқув ахборотни ўзига хос жиҳат (тоифа)ларини ажратинг.
   
2. 
   Жадвалнинг биринчи горизонтал қаторига ажратилган тоифаларни ёзинг, тоифалар тагига, яъни иккинчи қаторга ушбу тоифанинг ўзига хос томонларини акс эттирувчи ахборотни киритинг.
   

Диққат қилинг!
Иш жараёнида тоифаларнинг айрим номлари ўзгариши мумкин. Янгилари пайдо бўлиши мумкин.



Концептуал жадвал - ўрганилаётган ҳодиса, тушунча, қараш, мавзу ва шу кабиларни икки ва ундан ортиқ жиҳатлари бўйича таққослаш имконини беради.
Концептуал жадвалда вертикал тик қатор бўйича такқосланган (фикр, назариялар) ҳолда жойлаштирилади; горизонтал қаторга эса таққосланаётган турли тавсифлар ва хусусиятлар ёзилади.

Концептуал жадвални тузиш юзасидан йўриқнома
1. Ўқув топшириқда кўрсатилган назариялар, ёндашишлар, тушунчалар, объектларни таққослаш учун уларни рўйхатини тузинг.
2. Жадвални расмийлаштиринг: вертикал (тик) қаторга - таққосланаётган тушунчалар, объектлар, назариялар ёзилади; горизонтал ётиқ қаторларга таққосланаётган уларнинг бир нечта аниқланган жиҳатлари ёзилади.

Б/Б/Б жадвал - Биламан/Билишни хоҳлайман/Билиб олдим жадвали мавзу, матн, бўлим бўйича изланувчиликни олиб бориш имконини беради.
Тизимли фикрлаш, тузилмага келтириш, таҳлил килиш кўникмаларини ривожлантиради.
Жадвални тўлдириш билан бирга мавзу бўйича “сиз нималарни билар эдингиз” ва “яна нималарни билишни ҳоҳлайсиз” каби саволларга кетма-кет жавоб топишга ундайди. Бу эса ўрганиш жараёнида кейинги вазифаларни белгилашга ёрдам беради. Бундан ташқари, таълим олувчилар 1-чи ва 2-чи 69 жадвал катакларини тўлдириб борадилар. Мавзу матнини мустақил ўқигандан кейин ёки мавзуни ўқитувчи тушунтириб бергандан кейин 3-чи “билиб олдим” катаги тўлдирилади.