Семинар 26 соат Мустақил таълим соати 42 соат тошкент 2021

Фаннинг мақсад ва вазифалари

Ҳозирги замон инглиз тили назарий грамматикаси фани мазкур тилнинг грамматика босқичига оид барча ҳодисаларни назарий жиҳатдан ўрганади. Курсда фақат инглиз, америкалик олимларнинг назарий фикрлари эмас, балки рус ва Оврўпа тилшунослари ҳамда ўзбек мутахассисларининг шу фан бўйича эришган ютуқлари, фикрларига ўрин берилган. Курснинг асосий мақсади талабаларга инглиз тили грамматикасидан чуқур назарий билим беришдир.

Назарий грамматика фанидан маъруза коммуникатив метод асосида ўтилишига алоҳида аҳамият берилади, чунки маъруза ўқиш давомида маърузачи талаба билан бевосита мулоқотда бўлиши, талаба унинг диққат марказида бўлиши замонавий ўқитиш методининг асосини ташкил этади.


Фан бўйича талабаларнинг малакасига қўйиладиган талаблар

Назарий грамматика филология ва тилларни ўқитиш (инглиз тили) фани бўйича ўқув режасида 94 соат ажратилган. Унинг 26 соати маъруза, 26 соати семинар, 42 соати мустақил таълим машғулотлари ташкил этади.

Фан бўйича талабаларнинг билим, кўникма ва малакаларига қўйидаги талаблар қўйилади. Талаба:

• 
  инглиз тили назарий грамматикаси фанини ўзлаштирган талаба хорижий тил грамматик қурилиши, унинг функционал жиҳатдан фарқланиши, грамматик ҳодисаларни изоҳлашдаги турли фикрлилик ҳақида тасаввурга эга бўлиши керак,
  
• 
  инглиз тилидаги грамматик жиҳатидан тўғри ва нограмматик шаклларни фарқлай билиши ва назарий ва назарий жиҳатдан изоҳлай билиши, грамматик категорияларнинг таркиби,функционал қўлами ва нутқда қўлланилиши ҳақида билим ва малакага эга бўлишлари керак ва шу каби муҳим тушунчалар ҳақида тасаввурга эга бўлиши;
  

• 
  назарий грамматика фанининг илмий аппаратини; назарий грамматика фанининг тараққиётининг асосий йўналишларини ҳамда унда ишлаб чиқилган қонун-қоидаларни; фанни ўрганишда қўлланадиган тамойиллар, методлар, модел ва параметрларни билиши ва улардан фойдалана олиши;
  
• 
  талаба турли мамлакатда чоп этилган манбалардан фойдаланиш; назарий грамматика фани муаммолари бўйича қўшимча материалларни излаш; назарий грамматика фанининг турли методикаларидан фойдаланиш; мазкур фандан эгаллаган билимларини бир тилдан иккинчи тилга таржима қилишда тўғри қўллаш кўникмаларига эга бўлиши керак.