Segment-barmoqli qirqish apparatlari pichog’ining surish maydoni va tig’ining yuklamisi

Barmoqlar brusi 14 qo‘zg‘almas qarshi qirqish qismi vazifasini bajaradi. Brus MSt.6 po‘latdan tayyorlanadi. Qamrash kengligi 2,1 m li o‘to‘rgichda barmoqlar brusiga 27 dona barmoq 8 birbiridan 76,2 mm oraliqda boltlar bilan mahkamlangan. Barmoqning ikki yonida tayanch vazifasini bajaruvchi chiqiq (tayanch) lari bor. Bu tayanchlar barmoqlarni mustahkam tutib turadi, segmentlarning pastki keng aso- sini bir oz, ya’ni charxlash qiyin bo‘lgan qismini qoplab, uni poyalar- ni qirqish jarayonida qatnashtirmaydi.
Qarshi qirqish plastinasi 9 barmoqning ichki tekis yuzasiga par- chin mix bilan biriktiriladi, yig‘iq holatdagi qirqish apparatida bar- moqlarning qarshi qirqish plastinalari bir tekislikda yotishi kerak va bundan ko‘pi bilan 0,5 mm chetlashishiga ruxsat etiladi.
Ishqalanish plastinalari 13 barmoqlar brusiga boltlar bilan birik- tirilgan. Plastinalar brusni yeyilishdan saqlaydi va yo‘naltiruvchi ta- yanch vazifasini bajaradi: harakat vaqtida pichoq yelkasining orqa sirti va segmentlarning shu yelkadan tashqariga chiqarilgan qismi ishqalanish plastinasi bo‘ylab sirpanadi.
Bosish panjasi 11 pichoq ustida o‘rnatilib, pichoq segmentlari- ning old qismini qarshi qirqish plastinalariga bosib turadi va ular ora- sida tirqish paydo bo‘lishiga hamda siquvchi kuchlar ta’sirida yelka-
ning egilishiga yo‘l qo‘ymaydi. Segmentlar bilan qisqichlar orasidagi tirqish 0,5 mm bo‘lib, panjalarning old uchini bukib rostlanadi.
Boshmoqlar. Barmoqlar brusining ikki yon tomoni dalaning rel- yefiga moslanib sirpanuvchi ichki 2 va tashqi 5 boshmoqlarga taya- nadi. Tashqi boshmoqqa dala taxtasi 7 biriktirilgan. Dala taxtasi va unga ichki tomonda biriktirilgan poyachetlatgich ish vaqtida o‘rilgan o‘tlarni ichkariga yo‘naltirib, kengligi kamida 30 sm li yo‘l ochadi. O‘to‘rgichning navbatdagi yonma-yon o‘tishida uning ichki boshmo- g‘i o‘rilgan o‘tlardan tozalangan shu yo‘ldan sirpanadi. Ichki bosh- moqdagi ayirgich-chiviq 1 o‘tlarni pichoq tomonga yo‘naltiradi. Boshmoqlarning po‘lat sirpangichlari 6 da ustma-ust joylashgan bir nechta teshik bor. Barmoqlar brusining bu teshiklardagi joyini o‘zgar- tirib, qirqish balandligini 4-8 sm qilish mumkin. Apparatni ramaga osish shtangalari qirqish apparatidagi chuvlar 15 va 17 ga shanirli birlashtiriladi, shunda boshmoqlar dala relyefiga moslanib sirpanadi.