Сценарийси (Қўшиқ Келажак ёшлари)

Қўқон Давлат Педагогика институти Мактабгача таълим факультети томонидан ташкил этилган “Янги Ўзбекистон ёшлари” номли тадбир
сценарийси

(Қўшиқ - Келажак ёшлари)
1-б: Шукрона айтамиз қутлуғ кунларга,
Маънога, мазмунга тўлиқ кунларга.
Фаровон, нурафшон улуғ кунларга,
Эй, озод диёрим - Ўзбекистоним!
Эй, обод диёрим - Ўзбекистоним!


2-б: Ассалому алайкум Қўқон Давлат Педагогика институтининг жонкуяр ва фидоий устозлари, илмга чанқоқ талаба ёшлари ҳамда Азиз меҳмонлар!
1-б: Бугунги Қўқон Давлат Педагогика институти Мактабгача таълим ва мактаб менежменти факультети ҳамда Магистратура бўлимининг Педагогика ва психология мутахассислигининг 1-босқич магистранти Алиева Яйра Хотамовна томонидан ташкил этилган “Янги Ўзбекистон ёшлари” номли байрам тадбиримизга хуш келибсизлар!
Тадбиримизни очиб бериш учун сўзни _____________________________________________берамиз.
2-б: Тадбиримизни очиқ деб эълон қиламиз!
1-б: Ёшлар билан янгича ишлаш тизими доирасида келажагимиз эгаларининг бўш вақтини мазмунли ташкил этиш, уларнинг иқтидор ва салоҳиятларини намоён қилиш, мотивация бериш, қалбларида ёт ғояларга қарши иммунитетни шакллантириш мақсадида кўплаб форумлар, фестиваллар, маънавий-маърифий тадбирлар ўтказиб келинмоқда.
2-б: Ҳаёт ҳар бир кишига улкан ва бебаҳо туҳфа инъом этади, бу куч-қувватга тўла ёшлик, билим ва курашга чанқоқлик, софдиллик, адолат, башарий ҳақиқатга беҳудуд интилиш билан тараққиётнинг буюк кучларидан бирини ташкил қилади.
1-б: Ҳаётда энг кўп ишлатадиган сўзларимиздан бири Ватан десак хато бўлмас. Ватан деганда тасаввуримизда инсоннинг киндик қони тўкилган тупроқ, уни камолга етказган, ҳаётига маъно-мазмун бахш этадиган табаррук маскан гавдаланади. Навбатни Ватан ҳақидаги шеърга берамиз.
(Шеър - Хожирахон)


2-б: Ҳар қандай инсонда ўзига яраша иқтидори ва истеъдоди бўлади, кимдир шоирлиги билан барчани ҳайратда қолдирса яна кимдир гўзал рақс билан кўнгилларни забт этади.
2-б: Келинг навбатни бетакрор рақсга берамиз.
(Рақс - Марвархон)
1-б: Бугунги фестивалимиз Мактабгача таълим факультети ҳамда Магистратура бўлими билан ҳамкорликда ташкил этилган. Ҳозирги навбатни Магистратура бўлими Педагогика ва психология мутахассислиги 1-босқич магистранти Алимова Яйрахон Хотамовна ижросидаги қўшиққа берамиз.
(Қўшиқ - Яйра опа)
2-б: Ўзбекистон жаннатмакон диёр. Унинг водий-ю, вохалари узининг бетакрор табиати ва ўзига хос миллий рақс ва қўшиқлари билан ажраб туради. Хозирги рақс орқали биз ўлкамизнинг жанубий вилоятларига саёхат қиламиз.
(Осиё - Сурхонча)
1-б: Она заминимизни эъзозлаш ҳар бир ватандошимизнинг муқаддас бурчи, ҳозирги навбатни ватан ҳақидаги шеърга берсак.
2-б: Марҳамат!
(Шеър – Мохидил)
2-б: Эр-хотин уруши – дока рўмол қуриши дейди, доно халқимиз. Буни қарангки 70 йил бирга умр кечирган кексалар ҳам ҳалигача бир-бирлари билан келишолмас экан.
(Санжар&Севинч - Бобойжоним “Импровизация”)
(5 ташаббус - Дилирухсор)
1-б: Сайёрахон, сизга бир савол берсам майлими?
2-б: Майли, сўрангчи.
1-б: Сиз Ўзбекистонни севасизми?
2-б: Албатта, лекин менимча бу саволга ҳозир ўқиладиган Абдулла Орипов шеърида тўлиқ жавоб берилган.
1-б: Келинг, унда шеърни тинглаймиз.
(Шеър – 103 гр.)
2-б: Жаннатмакон юртимизда 130дан ортик миллат вакиллари истиқомат қилишади.
1-б: Ҳар бир миллатнинг ўзига хос рақслари мавжуд. Ҳозир талабалар томонидан ижро этиладиган рақс ҳам сизни узоқ шарққа етакласа не ажаб.
(Рақс - 204 гр.)
1-б: Дунё деган шундайин англаб бўлмас сир экан,
Гоҳ кенг экан, гоҳида туйнуксиз қаср экан,
Лекин инсон ҳамиша бир ҳисга асир экан
Барчамизга маълум ва машҳур бўлган ушбу шеърда муҳаббат туйгуси жуда гўзал таърифланган. Муҳаббат мавзусидан йироқлашмаган ҳолатда Сиз азизлар эътиборингизга беқиёс қўшиқни ҳавола этамиз.
(Элёс&Сайёрахон - Севгилим)
1-б: Бизнинг водиймиз Ўзбекистоннинг бошқа вилоятларидан ўзига хослиги билан ажралиб туради. Бунга яққол мисол қилиб Андижон полкасини келтиришимиз мумкин. Демак навбатни шўх рақсга берамиз.
(Андижон полкаси - 104 гр.)
1-б: Умид қиламизки, бугунги “Янги Ўзбекистон ёшлари” ёшлар фестивали Сиз азизлар дилларингизда ёшликнинг ажиб тафтини ҳис этишингизга сабаб бўлди.
(Қўшиқ – Ўзбекистон ёшлари)