Saylov jarayoni va saylov organlari

Saylovchilarni ro`yhatga olish. Saylovchilarni ro`yhatga olish tadbiri fuqarolarni o`z saylov huquqini amalga oshirishni ta'minlovchi shart sharoit sifatida namoyon bo`ladi. Saylovchilarni ro`yhatga olish xarakter jihatidan ommaviy (majburiy) yoki shaxsiy (ixtiyoriy).

O`zbekiston Respublikasida saylov kuniga qadar yoki saylov kuni 18 yoshga to`ladigan, ro`yxat tuzilayotgan vaqtda mazkur saylov uchastkasi hududida doimiy yoki vaqtincha istiqomat qilib kelayotgan fuqarolarning familiyalari saylovchilar ro`yhatiga kiritiladi.Har bir saylovchi faqat bitta saylovchilar ro`yhatiga kiritilishi mumkin. Saylovchilar ro`yhati har bir saylov uchastkasi bo`yicha uchastka saylov komissiyasi tomonidan tuziladi, mazkur ishlarda qatnashishga jamoatchilik vakillarini ham jalb etish mumkin.

Saylovchilarning ruyxatlari saylovga 15 kun qolganda, O`zbekiston Respublikasini xorijiy davlatlardagi vakolatxonalari xuzurida, sanatoriy va dam olish uylarida, kasalxonalar va boshqa statsionar davolash muassasalarida, olis va borish qiyin bo`lgan yerlarda tuzilgan saylov uchastkalarida esa saylovga 7 kun qolganida hamma tanib chiqishi uchun e'lon qilinadi. Agar ro`yxatda xato yoki noaniqlik aniqlansa, fuqaro saylov komissiyasiga bu haqda arz qilishi mumkin va komissiya mazkur ariza yuzasidan noaniqlik yoki xatoni bartaraf qilish haqida qaror qabul kilishi lozim.