Saxaraza fermenti Klassifikatsiyasi

Ishlatilishi:
Achitqi xujayralarini avtoliz qilish natijasida yuqori faollikka ega achitqi membranalari olingan. Olingan membranalar asosida tabiatda keng tarqalgan uglerod tarkibli maxsulotlar (keramzit, sapropel' va lignin) yordamida invert shakar olish uchun geterogen biokatalizatorlar yaratilgan. Saporel' asosida yaratilgan biokatalizator yuqori invertaza faolligi va barqarorligini namoyon etgan bo`lsa, lignin asosida tayyorlangan biokatalizator past invertaz faollikni namoyon etgan.
Non sanoatida invert siropni xamirga qo`shish maxsulot tarkibidagi shakar miqdorini pasaytiradi. Non tarkibidagi fruktooligosaxaridlar (kestoza va nistoza) qandli diabet bilan kasallangan bemorlarni davolashda keng qo`llash mumkin.
Invertaza faolligidan foydalangan xolda difruktozalar olish imkoniyati Tokyo Kasei Kogyo Co (Yaponiya) firmasè tomonidan amalga oshirilgan. Bunda 48 soat davomida (rN 6,0) 30% li fruktoza va 50% li saxaroza eritmasidan 177mg/ml difruktozalar olingan.
O`simlik to`qimasida invertaza fermenti saxarozani parchalash funktsiyasidan tashqari metabolizm va osmoregulyatsiyadaãè ahamiyati beqiyosdir. O`simlik xujayrasida saxarozani oziqa, osmotik va signal funktsiyalarini bilgan xolda xujayrada invertaza funktsiyasi ham muhim ekanligini aytish qiyin emas. Invertaza saxarozani parchalash orqali xujayrani energetik manbai bo`lgan geksozalar hosil qiladi, nafas olishini ta`minlaydi va uglevod atomlari bilan ta`minlab turadi. SHuningdek, invertaza xujayrada osmotik bosimni boshqarishida ham katta ahamiyatga ega. Saxarozani glyukoza va fruktozagacha parchalanishi xujayrada osmatik bosimni oshishiga sabab bo`ladi. Yuqorida invertaza faolligi va o`simlikning turli rivojlanish bosqichlarida korrelyatsiyañè haqida ma`lumotlar keltirilgan. Yuqori invertaza faolligini o`sayotgan to`qimalarda, sabzining rivojlanayotgan ildizlarida, loviya poyasini uzayishida kuzatish mumkin.
Glyukoizomeraza fermentining fermentativ funktsiyasidaí kelib chiqqan holda uning sanoatda qanday maqsadlar uchun qo`llanilishini aniqlab olish ortiqcha qiyinchilik keltirib chiqarmaydi. Mazkur ferment sanoatda aniqrog’i fruktoza tarkibli siroplarni olishda glyukozani fruktozaga modifikatsiyalashda ishtirok etadi. Mazkur jarayonlar zanjiri juda ko`p bosqichlardan iborat bo`lib, uning asosiy qismi olingan glyukozani fruktozaga aylantirishdan iboratdir.