Саволномаси умумий хуқуқ сохаси бўйича

201. Тирик туғилиб, аммо ҳаётининг биринчи дафтасида ўлган болага нисбатан ўлим ҳақидаги далолатнома ёзувига маълумотлар қайси ҳужжатга асосан киритилади?
Қоидаларнинг 189-бандига кўра, тирик туғилиб, аммо ҳаётининг биринчи ҳафтасида ўлган болага нисбатан ўлим ҳақидаги далолатнома ёзувига маълумотлар перинатал ўлим ҳақидаги тиббий гувоҳнома асосида киритилади. Ўлик туғилган бола тўғрисидаги далолатнома ёзувини расмийлаштиришда туғилганлик ҳақидаги далолатнома ёзувига маълумотлар перинатал ўлим ҳақидаги тиббий гувоҳнома асосида киритилади.
202. Туғилганлик ҳақидаги такрорий гувоҳнома олиш учун кимлар мурожаат қилиши мумкин?
Қоидаларнинг 194-бандида туғилганлик ҳақида такрорий гувоҳномалар фуқаролик ҳолати далолатнома ёзуви қайд этилган тегишли шахснинг ўзига, унинг ота-оналарига ёки қонунчиликда белгиланган тартибда тасдиқланган ишонч қоғозлари асосида бошқа шахсларга берилади. Вафот этган шахсга нисбатан туғилганлик ҳақида такрорий гувоҳнома берилмайди. Зарур ҳолларда, вафот этган шахснинг туғилганлиги ҳақида маълумотнома берилиши мумкин.


203. “ФҲДЁнинг ягона электрон архиви” ахборот тизими - бу... ?
«ФҲДЁнинг ягона электрон архиви» ахборот тизими – бу - фуқаролик ҳолати далолатномалари, унга ўзгартиришлар, уларнинг қайта тикланиши ва бекор қилиниши ҳамда фуқаролик ҳолати далолатномалари қайд этилганлиги тўғрисида гувоҳномалар ва улардан кўчирмалар берилганлиги ҳақидаги маълумотларни ўз ичига олган давлат электрон ахборот тизими ҳисобланади.
ФҲДЁ органлари фуқаролик ҳолати далолатномалари, шунингдек уларга ўзгартиришлар, тузатишлар ва қўшимчаларнинг «ФҲДЁнинг ягона электрон архиви» ахборот тизимига ўз вақтида ва тўғри киритилишини таъминлайдилар. ФҲДЁ органлари ўзаро ҳамда бошқа манфаатдор ташкилотлар билан «ФҲДЁнинг ягона электрон архиви» ахборот тизими орқали ахборот алмашишлари мумкин. «ФҲДЁнинг ягона электрон архиви» ахборот тизими орқали алмашилаётган ахборот ФҲДЁ органлари ва манфаатдор ташкилотлар томонидан иш юритувига расмий ҳужжат сифатида қабул қилинади.