Savol: Ushbu hayvonni yozib bering. Javob

Savol: Ushbu ibora ma’nosiga mos keluvchi o‘zbekcha iborani yozib bering.
Javob: Bizning ko‘chada ham bayram bo‘ladi.

6. Chexiyalik sayohatchi va yozuvchi Irji Ganzelka o‘z kitobida xotirlab yozishicha, 1940-yillarda Shimoliy Afrikaga sayohat qilganida qiziq holatga duch kelgan ekan. Bir shaharchada yurganida qorong‘u tushayotgan paytda sirena ovozi eshitilgan. Ko‘chalar tezda bo‘shab qolgan va ozgina vaqtdan keyin hamma joyda idish-tovoq ovozlari eshitilgan ekan.

Savol: Yuqoridagi voqea sababini yozib bering.
Javob: Ramazon / Ro‘za / Iftorlik.
Izoh: Bilasizki, musulmonlar ramazon oyida ro‘za tutishadi. Bu shaharchada iftorlik paytini bildirish uchun sirena chalingan. Hamma uyiga shoshgan, iftorlikka tayyorgarlik vaqtida hamma uydan idish-tovoq ovozi eshitilgan ekan.
7. Ma’lumotlarga ko‘ra, ayrim insonlarda bu hodisa kuzatilmas ekan. Ispan maqoliga ko‘ra, kimda dushman bor bo‘lsa, bu hodisa ro‘y bermas ekan.
Savol: Qanday hodisa haqida gap ketmoqda?
Javob: Tush, tush ko‘rish.
Izoh: Dushmani bor odamda qo‘rquv kuchli bo‘lib, uxlashga xalaqit qilar ekan.

8. Bir romanda chiroyli U safda turgan askarlarga, xunugi esa mast odamga o‘xshatilgan. Uni o‘rganuvchi fan grafologiya deb nomlanadi.

Savol: U nima ekanligini yozib bering.
Javob: Yozuv.
Izoh: Agar yozuvingiz chiroyli bo‘lsa, safda turgan askarlar kabi tekis, xunuk bo‘lsa, mast odamning yurishiga o‘xshab notekis bo‘lar ekan. Yozuvlarni grafologiya fani o‘rganadi.

9. O‘rta asrlarda Yaponiyada baliqlar juda ko‘p miqdorda tutilgan. Lekin transport tizimi hali yaxshi rivojlanmagan edi. Shuning uchun Yapon dengizi qirg‘oqlarida baliqni qayta ishlash uchun kerak bo‘lgan Uni tayyorlovchi ko‘plab joylar bo‘lgan.

Savol: U nima?
Javob: Tuz.
Izoh: Baliqlarni bozorga olib borishga ko‘p vaqt talab qilingan, shuning uchun baliqlarni tuzlashgan.

10. O‘rta asrlarda Koreyada uy qurilganda o‘choq uyning bir burchagida, o‘choqning tutun mo‘risi esa uyning boshqa burchagida joylashtirila boshlangan. Shu sababli bu davrda koreyslar turmushidan ushbu buyum deyarli yo‘q bo‘lib ketgan.

Savol: Qanday buyum?
Javob: Krovat.
Izoh: O‘choq bilan mo‘ri o‘rtasida quvur poldan o‘tkazilgan. Issiq pol qurila boshlagach, krovatga ehtiyoj qolmagan.