Savol javoblar

Суткалик газ ишлатиш нотекислиги ва уни қоплаш

• Суткалик газ ишлатиш нотекислиги ва уни қоплаш
• Сутка давомидаги газ ишлатишдаги нотекислик, сутка соатларида истеъмолчилар томонидан газдан бир хилда фойдаланмаслик оқибатида келиб чиқади. Унинг графиги 42-расмда келтирилган.
• 42-расм. Суткалик газ ишлатиш нотекислиги графиги:
• 1-ўртача суткалик газ ишлатиш; 2-максимал газ ишлатиш чегараси; 3-минимал газ ишлатиш чегараси.

• 1

• 2

• 3

• 0 4 8 12 16 20 24
• Вақт, соатларда

• Келтирилган графикдан кўриниб турибдики, сутканинг 0 чи соатидан эрталабки соат 6 гача ва 22 дан 24 гача бўлган вақтларида газ кам ишлатилади, қолган соатларда эса, тегишлича кўп ишлатилади. Сутка давомида газдан фойдаланиш нотекислигини қоплаш учун шаҳар яқинига газголдерлар қурилади. Бу газголдерларга сутка давомида ҳосил бўлган ортиқча газ (3) ҳайдалиб, кундузи эса (ўртача суткали газ сарфига кўра) етмаётган газ (2)нинг миқдори газголдерлардан олиниб, шаҳар газ тармоғига берилади. Сутка давомидаги ҳосил бўлган ортиқча газ ҳажми (3) етмайдиган газ (2) ҳажмига тенг бўлади.
• Юқорида кўрсатилгадек, сутка давомидаги газ ишлатиш нотекислигини қоплаш учун паст ва юқори босимли газголдерлардан фойдаланилади. Паст босимли (4000 Па) газголдерларнинг ҳажми 100 минг м3 гача бўлиб, уларнинг сони ва ҳажми, сутка давомида ҳосил бўладиган ортиқча газнинг максимал ҳажмига кўра аниқланади. Суткалик газ истеъмоли нотекисликни қоплаш учун газ омбори сифатида магистрал газ қувурининг охирги бўлими ҳам ишлатилади. Магистрал қувурининг охирги бўлимининг ўзи алоҳида ёки газголдерлар билан биргаликда ишлатилиши мумкин. Ишлатилиш тизими техник-иқтисодий кўрсаткичларга кўра аниқланади.
• Юқори босимли газголдерлар ётиқ ва сферик кўринишида бўлиб, улар 0,25-1,8 МПа (2,5-18 кгс/см2) босим остида ишлашга мўлжалланганлар.
• Сферик кўринишдаги газголдерларнинг ҳажми 300-400 м3 га, ётиқ газголдерларнинг ҳажми эса 50-270 м3 га тенг.