Сариосиё туман ҳокими

САРИОСИЁ ТУМАН ҲОКИМИ

SARIOSIYO TUMAN HOKIMI

ҚАРОР – QAROR

2014 йил 18-февраль № 104 Сариосиё шаҳарчаси

Ўзбекистон Республикаси Президентининг 2014 йил 6 февралдаги “Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлари тўғрисида”ги ПҚ-2124-сонли ҳамда шу ҳақидаги вилоят ҳокимининг 2014 йил 14 февралдаги 28-сонли қарорлари ҳақида

Ўзбекистон Республикаси Президентининг 2014 йил 6 февралдаги “Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлари тўғрисида”ги ПҚ-2124-сонли қарори ижросини таъминлаш, шунингдек, мамлакатимизда амалга оширилаётган кенг кўламли ислоҳотларда ёшларнинг фаол иштирокини таъминлаш, юксак маънавиятли, мустақил ва эркин фикрлайдиган, замонавий илм-фан ютуқларини пухта ўзлаштирган ҳар томонлама соғлом ва баркамол авлодни вояга етказишга қаратилган ёшларга оид давлат сиёсатини изчил амалга ошириш мақсадида

Қ А Р О Р Қ И Л А М А Н :

1. Ўзбекистон Республикаси Президентининг 2014 йил 6 февралдаги “Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлари тўғрисида”ги ПҚ-2124-сонли ҳамда шу ҳақидаги вилоят ҳокимининг 2014 йил 14 февралдаги 28-сонли қарорлари маълумот ва ижро учун қабул қилинсин.
2. 2014 йилда ёшларга оид давлат сиёсатини амалга оширишга қаратилган қўшимча чора-тадбирлар Дастури (кейинги ўринларда– Дастур деб юритилади) 1-иловага, туман ишчи гуруҳи таркиби 2-иловага мувофиқ тасдиқлансин.
3. Туман ишчи гуруҳи
Дастурда назарда тутилган тадбирларнинг юқори савияда ва белгиланган муддатларда амалга оширилишини таъминласин;
Вилоят ҳокимлигига Дастур ижроси юзасидан ҳар чорак якуни бўйича ахборот киритиб борсин.
4. Ташкилот ва идоралар ҳамда бошқа манфаатдор ташкилотлар раҳбарлари зиммасига Дастурда кўрсатилган тадбирларнинг юқори савияда ва белгиланган муддатларда амалга оширилиши юзасидан шахсий масъулият юклансин.