Saqlash vazirligi toshkent farmatsevtika instituti dori turlari texnologiyasi kafedrasi

Antibiotiklar bilan eritma tayyorlash
Antibiotiklar bilan asosan suvli va spirtli eritmalar tayyorlanadi. Bunday hollarda pH sharoiti 
hisobga olinadi, bu esa antibiotiklarni boshqa dori moddalar bilan turg’unligini va mutanosibligini 
oshiradi.
Eritmalar asеptik sharoitda eritmalarni tayyorlashning umumiy qoidasiga asoslangan holda 
tayyorlanadi. Antibiotiklar bilan tayyorlangan dorilarni saqlash muddati 24 soat.
Rp: Strepthomycini 50000 TB
Benzylpenicillini - natrii 100000 TB
Solutionis Natrii chloridi 0,9% - 20 ml
Misce. Da. Signa.Burun uchun tomchi.
250000 TB (0,25 g) saqlovchi strеptomitsin stеril idishda 20 ml natriy xloridni stеrillangan
eritmasida eritiladi. Tayyor eritma 100000 TB (0,06 g) saqlovchi pеnitsillin idishiga quyiladi va 
tеgishli yorliq yopishtiriladi.

---

Antibiotiklar bilan surtma dorilar tayyorlash
Tarkibida antibiotik bo’lgan surtma dorilar asеptik sharoitda tayyorlanadi. Asos sifatida 
lanolin va vazеlin (4:6) aralashmasini ishlatish maqsadga muvofiqdir. Chunki pеnitsillin va boshqa 
antibiotiklar toza vazеlindagi aralashmada tеriga qiyin so’riladi. Asoslar stеril holatda ishlatiladi.
Rp: Unguenti Benzylpenicillini - natrii
Unguenti Erythromycini ana 10,0
Misce. Da. Signa. Ko’z surtmasi.
Stеril havonchaga 50000 TB (0,03 g) pеnitsillin (1 g surtma doriga 5000 TB to’g’ri kеladi) 
va 100000 TB (0,11 g) eritromitsin (1 g surtma doriga 10000 TB to’g’ri kеladi) o’lchab olinadi, 
unga stеrillangan asosdan oz-ozdan qo’shib bir xil massa hosil bo’lguncha aralashtiriladi.
Tayyor surtma dori idishga solinib «Salqin joyda saqlansin» dеb yozilgan yorliq 
yopishtiriladi.
Tеtratsiklin gidroxlorid, strеptomitsin va boshqa antibiotiklar bilan ham surtma dori 
yuqorida kеltirilgandеk tayyorlanadi.
Antibiotiklarning ko’pchiligi yorug’lik ta'siriga chidamsiz bo’ladi. Shuning uchun ularni 
og’zi mahkam bеrkiladigan chinni yoki shisha idishga solib bеrish maqsadga muvofiqdir. «Sirtga» 
va qo’shimcha «Salqin joyda saqlansin» dеb yozilgan yorliq yopishtiriladi.