Saodat sadirova

Eritmalarni xlorli ohak bilan regeneratsiyalash
Ishlatilgan tuzli eritma quvur orqali yig'gichga oqiziladi, u yerdan so'rgich nasos bilan tortib tindirgichga uzatiladi. Xlorli ohak aralashtirgich bilan ta'minlangan maxsus bochkada 30-50 % ohakli sut ko'rinishida tayyorlanadi. Bochkadan ohakli sut tindirgichning birinchi bo'limiga yuboriladi, u yerda ohakli sut va ishlatilgan tuzli eritma 2-3 daqiqa davomida siqilgan havo bilan aralashtiriladi. Hosil bo'lgan ko'pik tindirgich tubiga cho'kmasligi uchun uzoq muddat aralashtirish tavsiya etilmaydi. Tuzliq va ohak aralashmasi 1 soat tindiriladi, natijada ivib qolgan oqsil va iflosliklar yuzaga chiqadi. Tindirilgan toza tuzli tindirgichning ikkinchi bo'limiga filtr orqali quyiladi. Tozalangan va to'yintirilgan tuzliqli eritma konservalash uchun apparatga qayta uzatiladi. Faolligi - 25 % bo'lgan ohak 1 1 ga - 10 g yoki konservalovchi eritma hajmiga nisbatan 1 % miqdorda sarflanadi.
Ishlatilgan tuzni regeneratsiyalash
Terilarni tuz bilan konservalashda uning kattagina miqdori ifloslanadi, shuning uchun uni tozalamay qayta ishlatish mumkin emas. Tuz ikki usulda: uni suvda eritib, so'ngra eritmani tuzliqni regeneratsiyalash kabi regeneratsiyalash yo'li bilan yoki issiq tuzli eritma, 0,1 % natriy kremniyftorid qo'shilgan issiq suvda yuvish yo'li bilan tozalanadi. Yuvishdan so'ng tuz 5-8 % namlikkacha quritiladi.
Ishlatilgan tuzli eritma ко'proq ohakli xlor bilan regeneratsiyalanadi. Ohakli xlor bilan aralashtirilgan tuzli eritma tindirgichda 1 sutka davomida tindiriladi.
203
7.5. KONSERVALASH USULLARI
Charm va mo'yna xomashyosi dastlabki ishlov berish amaliyotida eng ko'p qo'llaniladigan asosiy konservalash usullariga: ho'l tuzlash, tuzlab quritib konservalash, tuzlamasdan quritib konservalash, kislota tuz bilan ishlov berish, pikellash, achitish, muzlatish va nurlash kiradi. Bular an'ana bo'lib shakllangan usullar bo'lib, ularni batafsil ko'rib chiqish konservalash jarayonning mohiyati va mexanizmini yoritishga imkon beradi. Ammo shuni ta'kidlash joizki, hozirgi vaqtda konservalashning zamonaviy materiallar, usullar va texnologiyalardan foydalanilgan yangi usullari yuzaga kelyapti.