“sanoat va xizmat ko'rsatish sohalarining raqamli transforma t siyasi: tendensiyalar, boshqaruv, strategiyalar” Xalqaro ilmiy-amaliy anjuman

“DIGITAL TRANSFORMATION OF INDUSTRY AND SERVICES: TRENDS, MANAGEMENT, 
STRATEGIES”
362
- меҳнат жараёнидаги мотивлар ва сабабларни бошқариш; 
- меҳнат-ҳуқуқий муносабатлар масалаларини тартибга солиш;
- меҳнат психофизологияси, эргономикаси ва меҳнат эстетикасига амал қилиш.
Бироқ, тўқимачилик саноати корхоналарида хозимларни бошқаришда энг муҳим 
йўналиш ижтимоий-психологик жараёнларни бошқаришга қаратилиши керак. Ушбу 
корхоналар фаолиятида қуйидагилар ижтимоий-психологик жараёнларни бошқариш 
объектлари бўладилар: 
- ходимларнинг шахсий таърифлари ва уларнинг руҳий-физиологик хусусиятлари; 
- меҳнатни ва иш жойларини ташкил қилиш усуллари; 
- ходимларни танлаш, жой жойига қўйиш, тайёрлаш ва қайта тайёрлаш тизими; 
- ахборот таъминоти ва ундан фойдаланиш; 
- ходимларни рағбатлантириш тизими; 
- жамоадаги аҳлоқий-психологик муҳит; 
- ходимларнинг ижтимоий-маиший шароитлари. 
Шуларга асосан, тўқимачилик саноати корхоналарида ходимларни бошқариш 
умумий бошқарув тизимининг бир бўғинига айланиши лозим ҳамда бу ҳудудларнинг 
ривожланишида муҳим аҳамият касб этиб, бошқарувнинг қуйидаги йўналишларидан 
иборат бўлади:
- тўқимачилик саноати соҳасида юқори иқтисодий самарадорликка эришиш;
- мавжуд табиий потенциал имкониятларидан тўғри ва самарали фойдалана олиш;
- тўқимачилик саноати соҳасининг сифатли ва унумли бошқарилишига эришиш. 
Умуман олганда, Ўзбекистоннинг тўқимачилик саноати иқтисодиётнинг тез 
ривожланаётган сегментларидан бири бўлибгина қолмай, балки чет эл инвестицияларини 
жалб қилиш, маҳсулот экспорт қилиш борасида етакчи соҳалардан ҳисобланади. Шу 
боисдан ҳам, тўқимачилик саноати корхоналарида бошқарувнинг асосий вазифаси жамият 
ривожланишининг объектив қонунлари талабларини ҳисобга олган ҳолда ва иқтисодиётни 
бошқариш амалиётини умумлаштириш асосида иқтисодиётни самарали бошқариш учун 
зарур бир мақсадга йўналтирилган ҳаракатлар тамойилларини ишлаб чиқишдан иборат 
бўлади.
Мазкур тамойиллар корхонага ўзаро бир-бирига боғлиқ унсурлардан иборат тизим 
сифатида қаралиши зарур. Корхона ташқи муҳит билан бир-бирига жуда боғлиқлиги 
туфайли муаммолар осон ва тез ҳал этилади. Бошқа ташкилий муаммолар каби келажакда 
унумдорликни ошириш муаммоси ҳам комплекс ёндашувни талаб қилади. Унумдорликка 
ҳам ташқи муҳит ва тизим ўзгариш жараёнининг турли омиллари таъсир этади. 
Унумдорликни оширишга қаратилган кўплаб уринишлар корхоналар раҳбарлари ўз 
ҳаракатлари натижасини кўра билмаганликлари сабабли муваффақиятсизликка учрайди. 
Шунинг учун ҳам, унумдорликни ошириш ва етарлича таъминлаш орқали корхона 
фаолияти ва унинг бошқаруви жараёнини такомиллаштиришга эришилади.