Sanoat texnologiyasi

O’zbekistonda telefon aloqasi. O’zbekistonda dastlabki 200 raqamli telefon stansiyasi Toshkent shahrida 1994 – yilda ishga tushirilgan. Hozir esa umumiy foydalaniladigan telefon tarmoqlarida 5 mln.dan ortiqroq abonent mavjud. Shu bilan birga, O’zbekiston shaharlararo telefon aloqasiga ham katta e’tibor berilmoqda. Hozirda Respublikada shaharlararo telefon aloqasida 25 000 dan ortiq kanal mavjud. Toshkent shahrida stansiyalararo yo’nalishlardagi tarmoqlar optik tolali aloqa vositalariga o’tkazilgan. Hozir halqaro telefon so’zlashuvlarning 80% sun’iy aloqa yo’ldoshlari orqali amalga oshiriladi.
O’zbekistonda hozirgi vaqtda uyali va internet aloqa kompaniyalaridan “UZMAKOM”, “COSKOM”, “UNITEL”, “BUZTON”, “BEELINE”, “MTS” “YUNITEL” larfaoliyat yuritmoqda.
Elektron pochta va internet sistemasi. Kompyuter texnologiyasi sohasidagi yutuqlarni aloqa sohasidagi yutuqlar bilan bog’lanishi yangi elektron pochta va internet aloqa sistemalarining vujudga kelishida olib keldi . Hozirgi paytda juda ko’p ma’lumotlar va hujjatlar kompyuterlar orqali modemlar vositasida uzatiladi yoki qabul qilinadi.


2.2. Yorug’likning qaytish qonuni.


Agar yorug’lik ikkita muhitning ajratuvchi chegarasiga tushsa, unda tushuvchu nur, qaytuvchi va sinuvchi nurlarga ajralib ketadi. 2.2-rasmda tu- shuvchi nur (I), qaytgan nur (II) va singan nur (III) larning yo’nalishi ko’rsatilgan.



2.2-rasm. Yorug’lik nurining sinish va qaytish qonunlari.
Yorug’lik nuri deganda, yorug’lik energiyasi tarqaladigan yo’nalish tushuniladi.
Yorug’lik nurining intensivligi esa vaqt birligida nur yo’nalishiga perpendikulyar bo’lgan birlik yuzadan oqib o’tadigan energiya bilan aniqlanadi.
Muhitning normali deb, yorug’lik ikki muhit chegarasiga tushgan nuqtadan muhitlarni ajratuvchi sirtga nisbatan o’tkazilgan perpendikulyarga aytiladi. Tushuvchi nur bilan muhitning normali orasidagi burchakka tushish burchagi deyiladi. Qaytuvchi nur bilan muhit normali orasidagi burchakka qaytish burchagi deyiladi.





2.3-rasm. “Yorug’likning qaytish qonuni” animatsiyasidan fragment


Tushuvchi va qaytgan nurlar hamda ikki muhit chegarasidagi nurnig tushish nuqtasiga o’tkazilgan perpendikulyar bir tekislikda yotadi. Qaytish burchagi i1 tushish burchag i₁ ga teng: i1 = i₁ .
Yorug’lik quyidagi qonuniyatlarga asosan qaytadi:
1. Tushuvchi nur, qaytgan nur va muhitning normali bir tekislikda yotadi.
2. Yorug’likning qaytish burchagi uning tushish burchagiga teng.