Саноат тармок тузилмаси ва таркибий силжишлар

Ижтимоий мехнат таксимоти ва саноат тармогининг шаклланиши

Ижтимоий мехнат таксимоти маълум буюм ва махсулотлар ишлаб чикариш хажмининг усиши ва фан-техника тараккиёти натижасидир. Ишлаб чикариш куламининг кенгайиши эса ихтисослашган ишлаб чикаришнинг концентрациялашуви ва кичиклашуви, янги саноат тармокларининг ташкил топиши ва илгари бунёд этилганларни такомиллаштиришни такозо этади.

Ижтимоий мехнат таксимотининг мохияти ва ахамияти тугрисида суз борганда, шуни айтиш керакки, у туфайли хужалик ривожланиши натижасида саноатнинг айрим ва мустакил тармоклари купаяди, бу ривожланиш тенденцияси хар бир айрим махсулотни чикаришнигина эмас, хатто махсулотнинг хар бир айрим кисмини ишлаб чикаришни хам ва факат махсулот ишлаб чикаришнигина эмас, хатто махсулотни истеъмол килишга тайёрлашдаги айрим ишларни хам саноатнинг алохида тармогига айлантиришдан иборат.
Ижтимоий мехнат таксимоти уч шаклда: умумий, хусусий ва айрим, бирламчи шаклда руй беради. Халк хужалигининг йирик сохалари, яъни саноат, кишлок хужалиги, курилиш, транспорт ва алоканинг вужудга келиши умумий мехнат таксимотининг махсулидир. Бу тармокларнинг хар бирида сохаларнинг мустакил равишда ажралиб чикиши хусусий мехнат таксимоти натижасидир. Бирламчи мехнат таксимоти эса, ишлаб чикаришни корхона ичида – цехлар, участкалар ва янги иш жойлари ташкил этиш билан богликдир. Бундай туркумларга ажратиш ва унинг махсулини 2-чизмадан куриш мумкин.
Хусусий ва айрим холларда бирламчи мехнат таксимотининг таъсири билан Узбекистон саноатида хам тармоклар ва ишлаб чикаришлар сони узлуксиз купайиб бормокда. 2000 йилнинг охирига келиб республикада саноатнинг 175 та тармоги ва ишлаб чикариш сохалари фаолият курсатмокда.
У ёки бу ишлаб чикариш факат маълум техник - иктисодий асос (замин) яратилгандагина алохида саноат тармогига айланиши мумкин. Бунинг учун, энг аввало, бир неча турдош корхоналар булиши лозим. Улар аник мустакил саноат тармогига бирлаштириш имкониятини берадиган маълум белгига эга булиши керак.
Саноат тармоги - ишлаб чикариш уюшмалари, комбинатлари ва корхона (фирма)лари йигиндисидир. Тармок хосил этиш учун корхоналар бир неча умумий хусусиятларга эга булишлари керак:

• 
  ишлаб чикариладиган махсулот иктисодий мазмунининг бир хиллиги;
  
• 
  ишлатиладиган хомашё ва асосий материалларнинг ухшашлиги;
  
• 
  ишлаб чикариш техник базаси ва технологик жараёнларининг умумийлиги;
  
• 
  маълум касбдаги кадрлар таркибининг умумийлиги;
  
• 
  ижтимоий мехнатни ташкил этиш даражаси ва шаклларининг бир бирига ухшашлиги ва хакозолар.