Sanoat ishlab chiqarishni tashkil etish

Hujjatlarning aylanishining mohiyati va strukturasi.

Tashkilotda hujjatlarni shakllanishidan to uni bajarilib yakunlanguniga qadar yoki yuborganligiga qadar bo’lgan harakatlar hujjatlar aylanishi deb ataladi. Ushbu hujjatlarning harakati, o’z mohiyatiga ko’ra rahbar va mutaxassislarning o’zlariga berilgan fuktsiyalarni bajarish, asoslangan qaror qabul qilish va ularni ishlab chiqarishga tadbik etish bilan bog’liq bo’lgan boshqaruv informatsiyalarining harakatidir.Har qanday boshqaruv faoliyati, aniq maqsadga yo’naltirilgan hujjatlar aylanishi bilan birga olib boriladi. Boshqaruv sub’ektlaridagi hujjatlarning bir joydan ikkinchi joyga ko’chishi tartibsiz yoki tasodifiy holda yuz berishi mumkin emas. Ular albatta bajarilishi kerak, ya’ni hujjatlar bilan ijodiy operatsiyalar olib borishi(boshqaruv informatsiyalari), rahbar va xodimlar o’rtasida hujjatlarni tartibga solish va taqsimlash, hujjatlarni ko’rib chiqish va bajarishlarni operativ va arxivda saqlash amalga oshiriladi.

Demak, hujjatlar aylanishi – bu hujjatlar bilan zarur bo’lgan ijodiy, rasmiy majburiy va texnik operatsiyalar bajarish uchun belgilangan bosqichlar bo’yicha ishlov berishning tartibga solingan harakatlarning texnologik samarasi. Bunday bosqichlar soni, hujjatlarning ular orasidagi harakat tezligi va har biri hujjatlar ustida amalga oshiriladigan operatsiyalar kompleksining tezkor bajarilishi orqali ushbu texnologik sxemaning mukammalligi va boshqaruv apparatining foydali va ishonchli axborotlar bilan ta’minlash samaradorligi belgilanadi.