Sanoat ishlab chiqarishni tashkil etish

Aktsiyaning nazorat paketi – biron shaxsga aktsiyadorlar jamiyati faoliyati ustidan nazorat qilishni ta’minlaydigan aktsiyalar hissasi. Odatda bunday holat aktsiyalar miqdorining yarmidan ko’pi yoki katta qismi bir qo’lda  to’planganda amalga oshadi.
Arbitraj – xo’jalik tomonlari o’rtasidagi kelishmovchi-liklarni hal qiluvchi hakamlar sudi.
Aylanma fondlar – bu fondlar odatda ishlab chiqarish jarayonlarida bir marta ishlatilib, ularning har birida yangilanadi va o’z qiymatini ishlab chiqarilgan mahsulotga to’la o’tkazadi.
Asosiy fondlar – bu fondlar ishlab chiqarish jarayonida qayta-qayta ishlatiladi. U uzoq muddat davomida foydalanishga mo’ljallangan bo’lib, yemirilishi darajasiga qarab ishlab chiqarilgan mahsulot qiymatiga o’z qiymatini asta-sekinlik bilan o’tkazib boradi.
Assortiment – sotish xonasidagi turli-tuman mollarning to’planishi; ba’zida bir molning turlar, navlarining to’plami.
Assotsiatsiya – to’planma, uyushma; biron maqsadga erishish uchun (xo’jalik, siyosiy, ilmiy, madaniy yoki boshqa maqsadlar) birlashish. Assotsiatsiya yuridik shaxs bo’lib hisoblanadi.
Auditor firmasi – mustaqil tashkilot bo’lib, shartnoma asosida korxonalar yillik buxgalteriya hisobotini tekshiradi va tasdiqlaydi. Tekshiruv davomida auditor firmasi buxgalteriya hisob-kitobining holatini va talabga mos kelishini, moliya-xo’jalik faoliyati masalalarining haqiqiy holatga mos kelishini nazorat qiladi.
Auktsion – kim oshdi savdosi. Bu alohida xususiyatga ega bo’lgan va alohida joylarda tashkil etiladigan ochiq savdoga asoslangan mahsus bozor. Auktsion o’zaro musobaqaga tayangan holda amalga oshadi.
Aholining harid qobiliyati – aholining bozordagi vujudga kelgan narx asosida mollarni, xizmatni xarid qilish imkoniyati. Aholining harid qobiliyati bozor sig’imini belgilashda yetakchi o’rin egallaydi.
Aholining minimal iste’mol byudjeti – har bir oila a’zosining ish kuchini qayta tiklashi uchun zarur mablag’ miqdori. Bunda zarur iste’mol mollarining, xizmatning miqdori va sifati e’tiborga olinadi va oilaning har bir a’zosiga pul birligida hisoblanadi.
Baza – asos, tayanch, quyi qism, ombor va boshqalar. Tijorat ishlarida band bazalar; mol qabul qiluvchi, qayta ishlovchi, navlarga, turlarga ajratuvchi va saqlovchi bazalardan iborat.