Sanoat ishlab chiqarishni tashkil etish

E-mail-jo’natmalarining yaxshi uslubi.

Jo’natma xatning kirish qismi qisqa bo’lishi va shaxsiy murojaat ko’rinishida bo’lishi maqsadga muvofiq. «Dunyoda eng yaxshi», «Axborot texnologiyalari olamida tan olingan yetakchi», «Haridor ehtiyojlarini To’la qondirish» kabi jumlalarni matndan chiqarib tashlash kerak. Ma’lumotlarni foizlarda ko’rsatish, yetakchilikni esa bozordagi mavke bo’yicha (iloji bo’lsa, marketing agentligiga ishora bilan) aniqlash foydaliroqdir.

Reklama xatlari matnlari sifati ideal bo’lishi zarur, chunki unga qarab kompaniya va uning mahsulotiga baho beriladi. Foydalanuvchilarning madaniy darajalaridagi farqlarni hisobga olib xat uslubi universal va keng auditoriyaning xech bir katlamini kamsitmaydigan bo’lishi zarur.


Jo’natmalar samaradorligining ayrim sirlari.
Marketing ta’sirining muvaffaqiyati ko’p jixatdan jo’natmalar doimiyligiga bog’liq. Jo’natmalarni bir oyda bir marta amalga oshirish yetarli.
E-mail jo’natmalarini amalga oshirayotganda foydalanuvchilarda spam-filtrlar bo’lishi mumkinligini hisobga olish zarur.
Biriktirilgan fayllarni foydalanuvchi ruxsatisiz yubormaslikka harakat qiling, chunki, birinchidan, bu filtrlarda shubxa tugdirishi mumkin, ikkinchidan, ayrim foydalanuvchilarning pochta qutisi va xat hajmiga cheklovlar bo’lishi, bog’lanish tezligi past bo’lishi mumkin.


Tarmoqdagi hamjamiyatning jamoatchilik fikrining roli.
Jamoatchilik fikri foydalanuvchilarga katta ta’sir ko’rsatadi. Xizmatdan qoniqish hosil qilgan foydalanuvchilar pozitiv fikr manbai bo’ladilar, konikmagan foydalanuvchilar esa – salbiy fikrlarni shaklantiradilar.
Ijobiy jamoatchilik fikri

Salbiy jamoatchilik fikri

17-rasm. Tarmoqdagi hamjamiyatning jamoatchilik fikrini shakllantirish chizmasi.
Tarmoq Web-chatlar, Usenet guruxlari, elektron jo’natmalar ro’yhatlari kabi teskari aloqa vositalarini taqdim etadi va jamoatchilik fikrini kuchli va, ba’zi hollarda, xavfli qurolga aylantiradi. Qandaydir tovar yoki xizmatning kamchiliklarini muxokama qilishga bagishlangan oddiy tarmoqli konferentsiya yirik antireklama kampaniyasiga aylanishi mumkin. Web-sayt salbiy jamoatchilik fikrini to’plash nuqtasi bo’lishi mumkin, shu sababli tarmoqdagi hamjamiyatning jamoatchilik fikrini boshqarish – Internet marketingning yana bir muxim vazifasidir.