Sanoat ishlab chiqarishini tashkil etish

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI


ANDIJON MASHINASOZLIK INSTITUTI

Ro‘yxatga olindi: №______________ 2022-yil “___” _____

“TASDIQLAYMAN” Institut rektori ___________ U. М. Turdialiyev 2022-yil “___” _____

LOYIHALARNI BOSHQARISH
fanining
FAN DASTURI

Bilim sohasi:	200000	Ijtimoiy soha, iqtisod va huquq
Ta’lim sohasi	230000	Iqtisodiyot
Ta’lim yo‘nalishi:	5230100 5230200	Iqtisodiyot (tarmoqlar va sohalar) Menejment (tarmoqlar va sohalar)

Andijon – 2022
Fan dasturi Andijon mashinasozlik instituti Ilmiy kengashining 2022-yil “____” ____________dagi “_____”-sonli majlis bayonida ko‘rib chiqilgan va tasdiqlangan.

Fan dasturi Andijon mashinasozlik institutida ishlab chiqildi.

Tuzuvchi:
M.Solijonov - AndMI “ Sanoat ishlab chiqarishini tashkil etish” kafedrasi assistenti
M.Muhammadiyeva - AndMI “ Sanoat ishlab chiqarishini tashkil etish” kafedrasi assistenti

Taqrizchilar:
O.Shermatov - AQXAI «Qishloq xo’jaligi iqtisodiyoti» kafedrasi dotsenti, i.f.n.
M.Dadajonova - AndMI «Sanoat ishlab chiqarishini tashkil etish» kafedrasi dotsenti, i.f.n

Fan dasturi Andijon mashinasozlik instituti O‘quv-uslubiy kengashining 2022-yil “____” ____________dagi “_____”-sonli bayonnomasida ko‘rib chiqilgan va ma`qullangan.

I. O‘quv fanining dolzarbligi va oliy kasbiy ta’limdagi o‘rni
O‘zbekiston iqtisodiyotiga jalb etilayotgan investitsiyalar yildan-yilga ko‘payib bormoqda. Biroq ularni loyihalar asosida professional boshqarish sohasida ko‘plab kamchiliklar mavjud. Yo‘naltirilayotgan moliyaviy resurslar samaradorligini ta’minlash mamlakatda qabul qilinayotgan investitsiya loyihalarini har tomonlama mukammal ishlab chiqilishi va amalga oshirilishini talab etib, aynan shu kabi masalalar mazkur fanning dolzarbligini asoslaydi.
“Loyihalarni boshqarish”
Bu dasturni amalda bajarish uchun talabalar “Mikroiqtisodiyot”, “Makroiqtisodiyot”, “Marketing”, “Menejment”, “Investitsiya loyihalari tahlili”, “Mehnat iqtisodiyoti”, “”Biznes reja”, “Industrial va innovatsion iqtisodiyot”, fanlaridan yetarlicha ma’lumotga ega bo‘lishlari lozim.
“Loyihalarni boshqarish” fani “Moliya”, “Ekonometrika”, “Korxonalar iqtisodiy xavfsizligi” fanlari bilan ham uzviy bog‘liq bo‘lib, matematik va tabiiy, umumkasbiy fanlardan yetarli bilim va ko‘nikmalarga ega bo‘lishni talab etadi.


II. O’quv fanining maqsadi va vazifasi
Fanni o‘qitishdan maqsad – talabalarga amaliyotda loyihalar tuzish, tahlil qilish va samarali loyihalarni boshqarishning nazariy va amaliy asoslarini o‘rgatishdan iborat.
Fanning asosiy vazifalari- loyihani boshqarishda ko‘zda tutilgan maqsadni tushuntirish, loyihaning mohiyati va turlarini o‘rgatish, global, milliy iqtisodiyot va korxona ko‘lamida loyihalarni moliyalashtiruvchi institutlar bilan tanishtirish, loyiha oldi bosqichi hamda loyiha tuzish jarayonlari bilan tanishtirish, talabalarni loyihani boshqarish usullaridan foydalanishga o‘rgatish, loyiha samaradorligini hisoblash usullarini amaliy mashqlar vositasida ko‘rsatish, loyiha boshqaruv mahoratiga o‘rgatish, loyihaning o‘ziga xos xususiyatlarini hisobga olgan holda monitoring qilish, kalendar ish rejalari va shartnomalarini ijrosini ta’minlash, loyiha ishtirokchilari va ta’sischilar faoliyatini muvofiqlashtirishga o‘rgatish, loyihani har tomonlama tahlil qilish asosida kutilayotgan natijasiga erishishni o‘rgatish.
Fan bo’yicha talabalarning bilimiga, ko‘nikma va malakasiga quyidagi talablar qo‘yiladi. Talaba:
1) qabul qilinayotgan yangi qonunlar va boshqa normativ hujjatlarning takomillashuvi natijasida loyihalarni boshqarish, loyiha xaridlari, monitoringi, baholash uchun ochilayotgan yangi iqtisodiy hamda qonuniy muhit haqida tasavvurga ega bo‘lishi;
2) loyihaning kelib chiqishi asoslari, loyiha oldi, loyihalash, loyihani ekspluatatsiya qilish bosqichlarini oldindan ko‘ra bilish; loyihaning tijoriy foydasidan tashqari ekologik, ijtimoiy, institutsional o‘zgarishlardan olinadigan naf va uni hisoblash hamda baholash to‘g‘risida bilishi va ulardan foydalana olishi;
3) loyihani boshqarish usullari, yondoshuvlari; loyihani boshqarishda foydalaniladigan normativlarni va ulardan qiyosiy xulosalar qilishni; loyiha qarorlarini muqobil variantlarini taqqoslash va xulosalar qilishni; loyihalarni samaradorligini ko‘rsatib, isbotlab berishni hamda investor oldida himoya qilishni; loyihani barcha resurslarini boshqarish ko‘nikmalariga ega bo‘lishi kerak;
4) tayyor loyiani tahlil qilish va eng samarali variantini moliyalashtirishga tavsiya etish; loyihalarni korxona va investor nuqtai-nazaridan baholash va kutilayotgan natijalarga erishish; loyiha oldi hamda loyihalash bosqichlarida iqtisodchi sifatida o‘z hisob-kitoblari bilan tavsiya berish bo‘yicha malakalariga ega bo‘lishi kerak.