Sanoat ishlab chiqarishini tashkil etish

Sug’urta faoliyati – sug’urta bozori professional ishtirokchilarining sug’urtani amalga oshirish bilan bog’liq faoliyati.
Sug’urta kompaniyasi – 1) sug’urta faoliyatini amalga oshirishga ixtisoslashgan yuridik shaxs, sug’urta xizmatlari bozorining professional ishtirokchisi; 2) sug’urtalovchi rolida maydonga tushuvchi, ya’ni sug’urta hodisasi ro’y bergan chog’da sug’urtalangan shaxsning zararlarini qoplash majburiyatini o’ziga oluvchi tashkilot.
Sug’urta mukofotlari (to’lovlari) – sug’urta qilinuvchilar tomonidan sug’urtalovchilarga to’lanadigan badal pullari bo’lib, ularning miqdori va hisoblash tartibi sug’urta shartnomasi bilan belgilanadi va ham so’m, ham chet el valyutasida to’lanadi.
Sug’urta polisi, sug’urta vasiqasi – sug’urta shartnomasi yuridik kuchga kirganini tasdiqlaydigan hujjat.
Tashqi iqtisodiy faoliyat – O’zbekiston Respublikasi yuridik va jismoniy shaxslarining xorijiy davlatlarning yuridik va jismoniy shaxslari, shuningdek, xalqaro tashkilotlar bilan o’zaro foydali iqtisodiy aloqalarni o’rnatish va rivojlantirishga qaratilgan faoliyati.
Tizimli risklar (investitsiya portfeli risklari) – bu xatar ta’siriga ba’zi bir qimmatli qog’ozlar emas, balki butun bozor, uning katta bir qismi risklarga uchraydi. Bu holda iqtisodiy nobarqarorlik tufayli yoki boshqa sabablarga ko’ra ko’pchilik emitent va qimmatli qog’ozlar egalari zarar ko’rishlari mumkin: foiz riski; valyuta riski; inflyatsiya riski; siyosiy risklar.
Tizimsiz risklar – xatarga ba’zi bir qimmatli qog’ozlar yoki ularning majmuasi uchraydi, ya’ni ma’lum bir korxonaning qimmatli qog’ozlari yoki tarmoqning qimmatli qog’ozlari kiradi: tadbirkorlik riski; moliyaviy risklar; nolikvidlilik riski.
To’g’ridan-to’g’ri investitsiyalar – 1) bevosita mahsulot ishlab chiqarish yoki xizmat ko’rsatish jarayonini tashkil etish yoki yanada kengaytirish maqsadida xorijiy sheriklar tomonidan uzoq muddatli kapital qo’yilmalar kiritish. To’g’ridan-to’g’ri investitsiyalar investorlarga mazkur ishlab chiqarish jarayonlari ustidan nazorat qilish imkonini beradi; 2) xorijiy kapitalning uzoq muddatli kiritilishi bo’lib, investor tashkil qilayotgan firma aktsiyalari yoki aktsiyadorlik kapitaliga to’la ega bo’lish yoki kamida 10 foizi xo’jalik faoliyatining ta’sirchan nazorat qilinishini ta’minlaydi.