Sanoat ishlab chiqarishini tashkil etish

16-Mavzu:Davlat daromadlarini jalb qilish usullari: soliqlar; zayom chiqarish; emissiya; davlat mulkini ekspluatatsiya qilish va sotishdan kelgan daromadlar.
Davlat daromadiga moliyaviy resurslar jalb etishni shartli holatda uchta guruhga bo‘lish mumkin:
1. Umumdavlat va mahalliy soliqlar hamda soliq funksiyasini bajaruvchi majburiy to‘lovlar.
2. Davlat zayomlari.
3. Qog‘oz pullar emissiya qilish. Davlat daromadlari tizimida markaziy moliyaviy manba bo‘lib soliqlar xizmat qiladi. Soliqlar asosan fiskal, iqtisodiy va ijtimoiy ahamiyatni kasb etadi. Hukumatga kerak bo‘lgan moliya resurslarini shakllantirib borish bilan soliqlar fiskal funksiyasini kasb etsa, ijtimoiy ishlab chiqarishni rivojlantirish maqsadida ayrim tarmoqlar iqtisodiyotiga molik imtiyozlarni berish bilan iqtisodiy yo‘nalish kasb etiladi va nihoyat kam daromadli aholini soliqlardan ozod qilish hisobiga ijtimoiy vazifalar hal etiladi. Davlat daromadini davlat zayomlari orqali ta’minlash nafaqat budjet taqchilligini moliyalashtirishga balki, rang-barang kapital xarajatlarga, iqtisodiyotning davlat sektoriga yo‘naltiriladi.


17-Mavzu:Davlat byudjeti
1.Davlat byudjeti tuzilmasi va byudjet tizimi.
2. Davlat byudjetining iqtisodiy kategoriya sifatidagi xususiyatlari.
3.Byudjet munosabatlarini о‘ziga xos jihatlari.
4. Davlat byudjetining funksiyalari.
1.Davlat byudjetining mohiyati, funksiyalari va ahamiyati
Davlat byudjeti kishilik jamiyati taraqqiyotining ma’lum bir bosqichida paydo bо‘lgan. Uning vujudga kelishi, eng avvalo, siyosiy tashkilot sifatida davlatning vujudga kelishi bilan bevosita bog‘liqdir. Har bir davr ijtimoiy tuzumiga tegishli bо‘lgan ishlab chiqarish munosabatlarining asosiy belgilari davlat faoliyati va byudjetning taqsimlash mexanizmi sifatidagi mazmunini belgilab beradi.
Hozirgi sharoitda davlat byudjeti ijtimoiy (ishlab chiqarish) munosabatlarning bir qismini ifoda etib, davlatning ixtiyoriga mamlakatda yaratilgan yalpi ichki mahsulot - milliy daromadning nisbatan kattagina qismini tо‘plash va uni jamiyat taraqqiyotining turli sohalarini (iqtisodiyot, maorif, sog‘liqni saqlash, fan, madaniyat, ijtimoiy ta’minot, boshqaruv, mudofaa va boshqalar) rivojlanishiga yо‘naltirish imkonini beradigan muhim taqsimlash instrumenti (vositasi)dir.