Sanoat ishlab chiqarishini tashkil etish

Birinchi qatorlarda:

1. 
   biznes-reja bajarilishini tekshirish natijalari to‘g‘risidagi hisobot quyidagilarni o‘z ichiga olishi kerak:
   

• 
  uning bajarilishining miqdor va sifat ko‘rsatkichlari taxlili;
  
• 
  uning bajarilishi ta’minlanmagan taqdirda aybdor mansabdor shaxslar shaxsan ko‘rsatilgan holda aniqlangan sabablar bayoni;
  

2. 
   korporativ boshqarish tamoyillariga rioya qilishni tekshirish natijalari to‘g‘risidagi hisobot quyidagilarni o‘z ichiga olishi kerak:
   

• 
  korxona boshqaruv organlari tomonidan qabul qilinadigan qarorlarning samaraliligi, uning qatnashchilari (muassislar)ning qonuniy xuquq va manfaatlariga rioya etilishi tahlili;
  
• 
  korporativ boshqarish sohasida qonun xujjatlari buzilishi holatlari bayoni (ta’sis xujjatlariga rioya qilish, umumiy yig‘ilishlar va kor­xona boshqaruv organlari majlislari o‘tkazilishi, dividendlar to‘g‘ri hisoblanishi va o‘z vaqtida to‘lanishi va xokazolar).
  

SHunday qilib, IAX xodimlari kasbiy tayyorgarligi va saviyasi odatiy moliyaviy audit doirasidan ancha tashqariga chiqadi va aksiyadorlik jamiyatlari rahbariyati ichki auditorlar malakasini oshirish bo‘yicha chora ko‘rishi kerak. Bu ishda respublikadagi ixtisoslashgan o‘quv markazlari yordam berishi mumkin. Masalan, O‘zbekiston Respublikasi Vazirlar Maxkamasining 2003 yil 4 iyuldagi 304-son qaroriga binoan tashkil etilgan O‘zbekiston Respublikasi Prezidenti xuzuridagi Davlat va jamiyat akademiyasi qoshidagi Oliy biznes maktabining Korporativ boshqaruv markazi asosiy o‘qitish yo‘nalishlariga korporativ boshqaruv, moliyaviy va ishlab chiqarish tahlili, korxona va uning ijroiya organlari faoliyati ustidan nazorat usullari, menejment va marketingning zamonaviy usullari kiritilgan. Bunday o‘quv markazlari IAX xodimlariga o‘z amaliyoti uchun zarur bo‘lgan bilimlarni egallashga yordam beradi. Hukumat qarori bilan tasdiqlangan Nizomda ham «ichki audit xizmati xodimlarining kasb darajasi tegishli litsenziyaga ega bo‘lgan ta’lim muassasalarida muntazamlilik asosida ularning malakasini oshirish vositasida saqlanishi kerak» deb aniq qilib belgilangan.