Sanoat binolari

Rasm. Pollarni devorlar va ustunlarga tutashtirish.
a)-taxta plintus yoki galtellar yordamida; b)-taxta galtellar yordamida; v)-polimer mahsulotli plintuslar yordamida; g)-sement-qum qorishmali plintuslar yordamida d)-keramik mahsulotli plintuslar yordamida; e)-klinker yoki kislotaga chidamli g‘ishtlar yordamida; 1-yog‘och plintus; 2-yog‘och maxkamlagich; 3-taxta galtel; 4-yog‘och tiqin (probka); 5-polimer mahsulotli plintus; 6-mastika; 7-sement-qum qorishmali plintus; 8-tayanch konstruksiyasi; 9-keramik mahsulotli plintus; 10- klinker yoki kislotaga chidamli g‘ishtli plintus; 11-to‘shama; 12-suv o‘tkazmovchi qatlam; 13-po‘lat tasma; 14-mix; 20-pol qoplamasi; 21-to‘shama qatlami; 22-orayopma plitasi;

Qoldirilgan masofalar pollar va devorlarni biri-biri bilan tutashtiruvchi va pollarga badiiy tomondan zeb beruvchi plintus yoki galtellardan foydalanib to‘ldiriladi. Plintuslar polning tayyorlanish mahsulotiga qarab taxtadan, turli polimer mahsulotlardan, keramik plitkalardan, sement-qumli qorishmadan, g‘ishtdan va x.k.lardan tayyorlanishi mumkin.

Sanoat binolarining uchinchi guruxiga mansub bo‘lgan o‘ramli mahsulotlardan ishlangan pollarni (linoleum, relin, turli xil sintetik gilamlar va x.k) yoki ularning aloxida uchastka yoki xududlarini bir-biri bilan tutashtirishda o‘rab oluvchi (okaymlyaYushie) yog‘och reykalardan foydalaniladi. O‘rab oluvchi (okaymlyaYushie) yog‘och reykalar xar 0,5-0,6 m masofada bitumga shimdirilgan va qoqish yo‘li bilan to‘shama qatlamlari yoki pastda yotuvchi grunt qatlamiga maxkamlangan yog‘och qoziqlarga mix yordamida maxkamlanadi. Viniplast, yog‘och tolali plita (DVP), yog‘och qirindili plita (DSP) va x.k. mahsulotlardan ishlangan pollarni devorlarga tutashtirishda yog‘och plintuslardan foydalaniladi.
Deformatsion choklar. Sanoat binolarida pollarning choklari, cho‘kish va xarorat choklari sifatida loyixalanadi.



Rasm. Deformatsion choklar tuzilishi.
a,v)- o‘rab oluvchi (okaymlyaYushie) uchburchak metall prokatli elementlar bilan; b,g)-metall taboqli kompensatorlar bilan; d)- o‘rab oluvchi (okaymlyaYushie) uchburchak metall prokatli elementlar va kompensatorlar turlari; 1- o‘rab oluvchi (okaymlyaYushie) uchburchak metall prokatli element; 2- po‘lat tasmali anker; 3- ruxlangan metall taboqli kompensator; 4-zanglamaydigan metall taboqli kompensator; 5-deformatsion chokning to‘ldirilishi; 6-pol qoplamasi; 7-betonli to‘shama qatlami yoki orayopma plitasi; 8-suv o‘tkazmovchi qatlam;

Pollarning choklari binoning asosiy choklari bilan birgalikda yoki bazi xollarda polga qo‘yiladigan talablardan kelib chiqib maxalliy xolda xam loyixalanishi mumkin. Salbiy xaroratli xavo tasirlarga ega bo‘lgan sanoat binolarida va to‘g‘ridan-to‘g‘ri gruntlar ustida betonli to‘shama qatlamiga ega bo‘lgan pol konstruksiyasiga ega bo‘lgan binolarda xar 10-12 m da xam bo‘ylama xam ko‘ndalang yo‘nalishlarda choklarni loyixalash talab etiladi. Orayopma panellari ustida pollar qurilishi amalga oshirilganda pollar choklari faqat binoning deformatsion choklari loyixalangan xududlarda quriladi. Deformatsion choklar bitum yoki degtli mastikaga qum, tosh uni bazi xollarda to‘qimali moddalar (asbest, qirindi) qo‘shilgan mahsulotlar bilan to‘ldiriladi. Agar pollarda tehnologik jarayonlar natijasida yuqori xaroratlar xosil bo‘lsa choklar qum va asbest mahsulotlar bilan to‘ldiriladi. Choklarni talab darajasida va sifatli to‘ldirish shovqindan, suYuqlik va gazlarning sizib o‘tishidan va boshqa xolatlardan saqlaydi.