Sanoat binolari

Rasm 2.1. Sanoat binosidan chiqadigan zararli faktorlarning atrof-muxitga tarqalishi.

Hozirgi paytda tabiat va atrof muhitni sanoat korxonalari tomonidan ko‘rsatiladigan salbiy ta’sirlardan muhofaza qilish masalasi nafaqat ma’lum bir region miqyosidagi, balki xalqaro ahamiyatga ega bo‘lib bormoqda.

Sanoat binolarining atrof muxitga ta’sirini 2 ta yo‘nalishda ko‘rib o‘tish mumkin:
1) Sanoat binolaridan ajralib chiqadigan zararlarning atrof muhitga ta’siri;
2) Sanoat binolaridan ajralib chiqadigan zararlarning odamlar hayoti, mehnati va dam olish sharoitiga ta’siri;
Sanoat binolaridan ajralib chiqadigan zararlarning atrof muhitga ta’siriga quyidagilarni kiritish mumkin:
-tabiiy landshaftga kirib, undagi uyg‘unlikni, muvozanatning buzishilishi;
-mikroiqlimning buzilishi;
-havo, suv havzalari, tuproq va oziq-ovqat mahsulotlarining ifloslanishi;
-relef va tuproqning buzilishi;
-yoqimsiz yoki o‘tkir xidlarning ajralib chiqishi;
-shovqin va ultratovushlar tarqalishi;
-sanoat chiqindilarining to‘planishi;
-o‘simliklar va hayvonot dunyosining zararlanishi;
O‘zbekistonda tabiatni muxofaza qilish masalalarini hal qilish Respublika “ Tabiatni muhofaza qilish davlat qo‘mitasi ” ga yuklatilgan. Oliy Majlis qoshida ekologiya va tabiiy resurslardan oqilona foydalanish masalalari bilan shug‘ullanuvchi Qo‘mita yuqoridagi ishlarning bajarilishini doimiy ravishda nazorat etib boradi.
Atrof muhitni muhofaza qilish borasida shaxarsozlik fani katta rol o‘ynaydi. Shaxarsozlikka doir tadbirlardan quyidagilarni ta’kidlab o‘tish mumkin:
-shaxarlar xududini funksional zonalarga bo‘lish asosida uning plan tuzilishini takomillashtirish;
-shaxar xududidan oqilona foydalanishni ta’minlovchi kompleks sanoat xududlari yaratish.
Sanoat korxonalarini loyihalashdagi ekologik tadbirlar me’moriy qurilish va tehnologik yo‘nalishlarda amalga oshiriladi. Sanoat korxonalari va atrof muhit o‘rtasidagi o‘zaro ta’sir va bog‘likliklarni aniqlash va uni hisobga olish eng muhim ekologik tamoyildir.
Hozirgi paytda yangi sanoat korxonalari va binolari qurilishiga qaraganda mavjud bo‘lganlarini rekonstruksiya qilish, kengaytirish va texnik jihatdan qayta jixozlab takomillashtirishga katta ahamiyat berilmokda.