Саноат бинолари қМҚ

1.19-расм. Кўп қаватли саноат биноларининг ҳажмий-план тузилишлари:
а - мунтазам тузилишга эга бино; б - юқоридаги қавати ката пролётли мунтазам тузилишга эга бино; в - баландлиги ҳар хил қаватлар мунтазам алмашиб келадиган бино;
г - номунтазам тузилишга эга бино.

Асосий қаватлар катта пролётли бўлиши мумкин. Ёпмада тешикли узун балкалар ёки ховонсиз фермалар қўлланилади. Уларнинг баландлиги 3 м ва ундан ортиқ бўлганлиги сабабли орада каттагина хоналар учун жой ҳосил бўлади. Уларда турли вазифаларга-мўлжалланган ёрдамчи хоналарни жойлаштириш мумкин. Номунтазам ҳажмий-план тузилишига эга бўлган бинолар рангли металлургия, TOF-KOH, коксохимия ва химия саноати корхоналарида кўп учрайди. Бундай номунтазам ечимларнинг қўлланилиши асосан турли ўлчамли технологик жиҳозлар, кўтаргич-транспорт воситаларининг қўлланилиши билан боғлиқ. Бундай биноларда типовой конструкциялардан фойдаланиш қийин, лекин имкон борича фойдаланиш тавсия этилади.

Такрорлаш учун саволлар:
1) Ишлаб-чиқариш-технология схемасида нималар кўрсатиб ўтилади?
2) Тажрибалар кўрсатишича, технологик жараён имкон берган ҳолларда, ишлаб чиқаришни бир бинода нима қилиш мақсадга мувофиқ?
3) Блоклаштирилган биноларнинг умумий майдони неча минг м² даношмагани маъқул?
4) Павильон усулда жойлаштириш қандай жараён талаб қилган ҳолларда мақсадга мувофиқ ҳисобланади?
5) Бир қаватли биноларда асосан металлургия, машинасозлик саноатига қарашли ишлаб-чиқариш жараёнлари жойлаштирилади, нима учун?
6) Кўп қаватли биноларда қайси йўналишда амалга ошадиган технологик жараёнлар жойлаштирилади?
7) Бир қаватли саноат биноларининг қайси афзалликларини таъкидлаб ўтиш мумкин?
8) Бир қаватли саноат биноларининг қайси камчиликларини таъкидлаб ўтиш мумкин?
9) Бир қаватли саноат бинолари ҳажмий-план ечими бўйича қайси типда бўлиши мумкин?
10) Зал типидаги саноат биноларнинг пролёти неча м ва ундан ортиқ бўлиши мумкин?
11) Кўп қаватли саноат биноларини шаҳар ҳудудида қачон жойлаштириш мумкин?