Саноат атрофидаги худудларнинг экологик ҳолати жобборов Бахром Турғунович

Тадқиқот оъбектлари ва услуллари: Тадқиқот олиб борган худудларнинг экологик холати бўйича куйидагиларни келтиришимиз мумкин.
Илмий тадқиқотлар Тошкент вилоятида жойлашган Бекобод туманидаги “Ўзбекистон металлургия комбинати” АЖ, Охангарон туманининг Ангрен шаҳрида жойлашган Ангрен Иссиқлик электр стансияси ҳамда Олмалиқ Олмалиқ кон-металлургия комбинати АЖ ва Аммофос-Максам АЖ атрофидаги худудларнинг экологик ҳолатлари ўрганилди. Юқорида номалари келтирилган саноат тармоқлари худудларидан лаборатория шароитида зарарли кимёвий бирикмаларини ўрганиш учун тупроқ ва ўсимликлар намуналари олинди.
Тадқиқот натижалари.
Олиб борилган тадқиқотларга кўра жумладан Бекобод туманидаги “Ўзбекистон металлургия комбинати” АЖ нинг шарқий томонинг экологик ҳолати ўрганилганда тупроқлари техноген ифлосланганлиги, экилган дарахт ва буталар тартибсиз экилганлиги, худуд ерлари қаровсизлиги, шунингдек худудда мол ва қўй боқилиши аниқланди. Бундан кўриниб турибдики ердан мақсадсиз фойдаланилган. Ҳудуд атрофини кузатиш жараёнида ташланган чиқиндиларнинг айримлари худудда яшайдиган аҳоли томонидан чиқарилган қурилиш чиқиндилари эканлиги кузатилди. Бу эса қуйидаги 1-расмда келтирилган.
1-расм
Бекобод туманидаги “Ўзбекистон металлургия комбинати” АЖ нинг шарқий томонинг экологик ҳолати

Юқорида ўз аксини топган худуднинг экологик холатини яхшилаш бўйича бирон бир самарали иш қилинмаганлиги кузатилади. Бу худудлардан самарали фойдаланиш бўйича амалий тавсиялар ишлаб чиқиш тавсия этилади.
Охангарон туманининг Ангрен шаҳрида жойлашган Ангрен Иссиқлик электр стансияси фаолиятида ишлатиладиган кўмирнинг кул чиқиндилари йиллар давомида тўпланган натижада юзлаб гектар худудлар фойдаланишга яроқсиз бўлиб кул чиқиндилари билан қопланган. Шунингдек шамол натижасида ушбу кул чиқиндилари суғориладиган тупроқларнинг экологик холатларига ҳам салбий тасир кўрсатган. Ушбу худуд тупроқларининг юза қисмида кул чиқиндиларини кўз билан кўриш мумкин даражада учрайди. Бу эса худудда усрайдиган ўсимлик турларининг камайиб кетишига ҳам таъсир кўрсатган. Худуддаги тўпланган кул чиқиндиларини қўйидаги 2-расмда кўришимиз мумкин.