Sanitariya nazorati to’g’risida

30-modda. Javobgarlik choralari

Ushbu Qonun talablarining buzilishida aybdor bo‘lgan shaxslar qonun hujjatlariga muvofiq javobgarlikka tortiladi. Ma’muriy jarima pullari O‘zbekiston Respublikasi, Qoraqalpog‘iston Respublikasi, viloyatlar va Toshkent shahrining epidemiyaga qarshi jamg‘armalariga tushadi.

 LexUZ sharhi

O‘zbekiston Respublikasi Ma’muriy javobgarlik to‘g‘risidagi kodeksining 53—55, 85—89, 96, 107, 109, 159, 161-moddalariga, O‘zbekiston Respublikasi Jinoyat kodeksining 257, 257-1-moddalariga qarang.

(30-modda O‘zbekiston Respublikasining 1995-yil 6-maydagi 70-I-son Qonuni tahririda — Oliy Majlis Axborotnomasi, 1995-y., 6-son, 118-modda)

31-modda. Sanitariya normalari, qoidalari va gigiyena normativlarini buzish natijasida keltirilgan zararning o‘rnini qoplash

Mulkchilikning shakllaridan qat’i nazar, sanitariya qonunlarini buzishda aybdor bo‘lgan korxonalar, muassasalar, tashkilotlar, birlashmalar va alohida shaxslar shikastlanganlarni davolash va ularning salomatligini tiklash, davolash-profilaktika tadbirlariga, sanitariya holatini yaxshilash va epidemiyaga qarshi tadbirlarni amalga oshirishga sarflangan xarajatlarni O‘zbekiston Respublikasining qonunlariga muvofiq to‘lashlari shart.

 LexUZ sharhi

O‘zbekiston Respublikasi Fuqarolik kodeksining 985, 999-moddalariga qarang.

VI BO‘LIM. XALQARO ShARTNOMALAR

32-modda. Xalqaro shartnomalar

Agar O‘zbekiston Respublikasining xalqaro shartnomalarida ushbu Qonundagidan boshqacha qoidalar belgilab qo‘yilgan bo‘lsa, u holda xalqaro shartnomalar qoidalari qo‘llanadi.