Сана Мавзу: Мустақиллик байрами

Таълимий мақсад: Болаларни теварак атроф ҳақидаги билимларини кенгайтириш. “Йил фасллари”, “Баҳор фасли” ҳақидаги тушунчаларини шакллантириш, мавзуга доир сўз луғатини бойитиш ва кенгайтириш. Баҳор фасли белгиларнини билишга ва сўз билан ифодалашга ўргатиш, бошқа йил фаслларидан ажратишга ўргатиш. Нутқда от, сифат, феъл, равиш шаклларини тўғри қўллашга, отли бирикмаларда сифатдошларни қўллашга ўргатиш. Мавзуга доир шеърларни ҳаракат билан бирга бажариб ёд олишга, топишмоқларни топишга ўргатиш, боғланган нутқини ўстириш
Коррексион мақсад: Болаларни оғзаки нутқини бойитиш. Хотира, диққат, идрок, сезги, тасаввурларини, тўғри нафас олишни умумий ва майда қўл моторикасини ўстириш, мантиқий фикрлашга ўргатиш. Сўзларни тўғри талаффуз этиб, саволларга тўлиқ ва аниқ жавоб беришга ўргатиш.
Тарбиявий мақсад: Педагог нутқини диққат билан тинглашга, табиатни севишга, уни асраб – авайлашга, теварак – атрофни ифлос қилмасликка ўргатиш.
Жиҳоз: “Баҳор фасли” тасвирланган сюжетли расм, баҳор фасли белгиларини билдирувчи график схемали расмлар, предметли расмлар, магнит доскаси, топишмоқлар, шеърлар, юлдузчалар.
Машғулотнинг бориши:
1. Ташкилий қисм:
Логопед болаларга топишмоқни жавобини топишни таклиф этади. Болалар топишмоқни жавобини топингчи:
Ерни ёриб бойчечак,
Чиқди уриб бир акса.
Олча, гилос гул очди,
Атрофга хуш ҳид сочди.
Қайси фасл, бу фасл,
Ҳавоси соз кўп асл.
(баҳор)
- Болалар демак ўлкамизда қандай фасл экан?-...
2. Асосий қисм:
1. Ўтилган мавзуни мустаҳкамлаш:
Логопед:
- Болажонлар баҳор фаслида қандай байрам бўлар экан?-...
- Онажонлар байрамини қачон нишонлаймиз?-...
- Қани, болажонлар, ким онажонлар байрами ҳақида шеър айтиб беради?-...
Болалар ўз ихтиёрлари билан ёд олган шеърларини айтиб берадилар.
2. Янги мавзу. Ўйин: “Бу қачон бўлади?”
Логопед болаларга “Бу қачон бўлади?” ўйинини ўйнашни таклиф қилади. Ўйин қоидасини тушунтириб, саволларга жавоб бериб унга мос бўлган йил фаслларининг расмларини топишни айтади:
Қуёш қаттиқ қиздиради, меваларни пиширади,
Болалар чўмилишади, ўзларини чиниқтиришади.
Айтингчи, болалар бу қачон бўлади? (ёз)
Сарғаяди кўкатлар, барг тўкади дарахтлар,
Далалардан ҳосил йиғиб олинар.
Айтингчи, болалар бу қачон бўлар? (куз)
Қуёш нур сочмайди, ҳаммаёқни оппоқ қор қоплайди,
Болалар қордан қорбобо ясайдилар,
Айтингчи, болалар бу қачон бўлар? (қиш)
Қорнинг эриб битиши, қиш бобонинг кетиши,
Ариқларнинг оқиши, анҳор тўлиб оқиши.
Айтингчи, болалар бу қачон бўлар? (баҳор)
- Қайси фаслдан кейин баҳор фасли бошланади?
- Қайси расмда баҳор фасли тасвирланган?