Sana: 12,13,14,15 sentyabr 2011yil

Qonuniylik va uning maqsadga muvofiqligi. Bu qoidaning mazmuni shuki, qonunlarning haqqoniy, adolatli, jamiyat, davlat, inson manfaatlari maqsadlariga mos holda qabul qilinishidir. Yaratilgan qonunlar davlatning eng buyuk davlatlar qatoridan o‘rin olishiga, insonlarning baxt-saodatga yetishiga xizmat qilishi kerak.Qonuniylikning huquqiy savodxonlik, huquqiy bilim bilan bog‘liqligi qabul qilinayotgan qonunlar barcha normativ hujjatlarning fuqarolar, ayniqsa, yoshlar tomonidan muntazam ravishda maktabda, oliy o‘ quv yurtlarida hamda mustaqil o‘qib o‘rganilishidir. Inson, albatta, huquqiy savodxon bo‘lsa, huquqiy hujjatlarni, qonunlarni mukammal bilsagina, ularga amal qilishi osonlashadi, tezlashadi.Qonunchilikning huquqiy madaniyat bilan chambarchas bog‘langanligi. Huquqiy madaniyat bu—faqatgina qonunlarni, huquqiy hujjatlarni bilish, huquqiy ma’lumotlardan muntazam xabardor bo‘lishdangina iborat emas. Eng asosiysi, egallagan huquqiy bilim, malaka, ko‘nikmalarini hayotiy vaziyatlarda qo‘llashdir, qonunlarga amal qilish va ularga bo‘ysunishdir.Qonuniylikni amalga oshirishda xalqning ishtiroki. Xalq davlat hokimiyatini o‘zi ishonch bildirib saylagan deputatlari, davlat prezidenti, hokimiyat va boshqaruv organlari orqali boshqaradi. Lekin, xalq qarorlar, qonunlar qabul qilish jarayonlaridan xabardor bo‘lishi, hukumat qarorlari, qonunlarini nazorat qilishi lozim. Oddiy fuqarolarning davlatni boshqarishda ishtirok etishlari qonuniylikni yanada mustahkamlaydi.Qonuniylikning jamoatchilik bilan chambarchas bog‘liqligi. Jamoatchilik fikri qonuniylikning posbonidir. Joylarda turli xil qoidabuzarlarni tartibga chaqirish, nizolarni hal etish juda yaxshi natija beradi. Hayotiy tajribaga ega bo‘lgan oqsoqollar, xotin-qizlar qo‘mitalari yoshlar ittifoqi, maktab, oila, yoshlarning o‘zlari qonuniylikni hamisha himoya qilishlari, joylarda qonunlarga rioya etilishini ta’minlaydi.Qonuniylik va huquqiy tartibotning himoya qilinishi va to‘liq o‘rnatilishi jamiyatning, davlatning ijtimoiy-iqtisodiy rivojida muhim omildir. Qonuniylik va huquqiy tartibot davlatning oliy va mahalliy hokimiyat organlari tomonidan amalga oshiriladi.Huquqiy tartibot — qonunchilikni amalga oshirish, kishilarning o‘zaro munosabatlarida mustahkam intizom o‘rnatish tartibidir.Huquqiy tartibot qonunchilikni amalga oshirish, uni hayotga tatbiq qilish natijasi hisoblanadi.