Самиғов н. А. Бино

Дурадгорлик тахталари рейкадан иборат шчитларни икки томонидан шпон ѐпиштириб олинади. Тахта қалинлиги 16-50мм. Бу тахталар эшик, пардевор, мебеллар тайѐрлашда ишлатилади.
Ёғоч толали тахталар ѐғоч толалари, кукун тўлдирувчилар, сув, полимер боғловчи ва махсус қўшимчалар (антисептиклар, антипиренлар, гидрофобизаторлар) аралашмасини иссиқ ҳолатда пресслаб тайѐрланади. Ёғоч толалари ѐғоч чиқиндиларни махсус ускуналар ѐрдамида қайта ишлаб олинади. Қаттиқ тахта кўп қаватли прессларда 150-165⁰С ҳароратда, 1-5 МПа босим остида пресслаб тайѐрланади.
Беш турдаги тахталар ишлаб чиқарилади: ўта қаттиқ (_m950 кгм³, R_эг50 МПа), қаттиқ (_m850 кгм³, R_эг40 МПа), ярим қаттиқ (_m400 кгм³, R_эг15 МПа), изоляцияловчи-безак (_m250-300 кгм³, R_эг2МПа), изоляцияловчи (_m250 кгм³, R_эг1,2 МПа). Тахталар узунлиги 1200-3600
мм, эни 1000-1800 мм. Қаттиқ тахталар қалинлиги 3-8 мм, изоляция учун 8- 25мм. Улар пол, шип, девор қопламаларида, мебелсозликда ишлатилади.
Ёғоч қириндили тахталар махсус тайѐрланган қириндилар карбамид ѐки фенолформалдегид полимери, антисептик ва антипирен аралашмасини иссиқ холатда пресслаб олинади. Полимер массага нисбатан 8-12% сарфланади. Бундай тахталар полимер билан ҳимояланган ҳолда ҳам ишлаб чиқарилади.
Тахталар турли зичликда (гсм³) ишлаб чиқарилади: ўта зич 0,81-1,0; зич 0,66-0,8; ўртача зичликда 0,51-0,65; кам 0,36-0,5; жуда кам 0,35. Улар 1800- 3500мм узунликда, 1220-1750 мм энига, 4-100 мм қалинликда тайѐрланади.
Ёғоч қириндили тахталар конструктив, безак, иссиқлик ва товуш изоляцияси материали сифатида ишлатилади.
Ёғоч қатламли пластиклар ѐғоч шпонларни резолфенолформалдегид полимерида шимдириб ва елимлаб олинади. Унинг зичлиги 1,25-1,33 гсм³, толалари бўйлаб чўзилишдаги мустаҳкамлиги 140-260 МПа, эгилишдаги мустаҳкамлиги 150-280 МПа, зарбий мустаҳкамлиги 3-8 МПа. Бу пластиклар эритувчилар, мойлар ва бошқа агрессив мухитларга чидамли бўлиб, ишқаланишга қаршилик зарур бўлган жойларда ишлатилади.

6.