Самиғов н. А. Бино

2–БОБ. БИНО ВА ИНШООТЛАРНИ ТАЪМИРЛАШ КЕРАМИК МАТЕРИАЛЛАРИ

ТАЯНЧ ИБОРАЛАРИ: ГИЛТУПРОҚ, АЛЮМОСИЛИКАТЛАР, ХОМ ҒИШТ, ПАХСА, ПИШИРИШ, МИКРОКОМПОЗИТ, МАКРОКОМПОЗИТ, МУСТАҲКАМЛИК, СУВГА ЧИДАМЛИЛИК, СОВУҚҚА БАРДОШЛИЛИК, МОДИФИКАТОРЛАР, ДЕВОРБОП КЕРАМИКА, БЕЗАК КЕРАМИКАСИ, ТЕРРАКОТА, ТЕХНОЛОГИК ПРИНЦИПЛАР.

2.1. Умумий маълумотлар

Минерал хом ашѐга технологик ишлов бериб, юқори ҳароратда куйдириш натижасида олинган материаллар ва буюмларга керамик материаллар дейилади. ―Керамика‖ сўзи лотинча ―Keramos‖ сўзидан олинган бўлиб, глина (гил) маъносини билдиради.
Инсоният тарихида гил асосидаги хом лойдан тайѐрланган деворбоп материаллар ва буюмлар, сомонли сувоқлар қурилишда эрамиздан аввалги 8000 йилликда ишлатилган. Икки минг йил аввал хом лой асосида Буюк Хитой Деворининг катта қисми барпо этилган. Мисрда, Вавилонда, Эронда, Ҳиндистонда, Лотин Америкасида хом лойдан бино ва иншоотлар қурилганига кўплаб тарихий обидалар гувохлик бериб турибди: Сахрои Кабир пирамидалари, Эрондаги Тезифон Аркаси, Перудаги Чон–чон биноси, Ямандаги кўп қаватли уйлар ва бошқалар. Хом лой асосида XVII-XIX асрларда Буюкбританияда, Германияда, Италияда, Испанияда ва Скандинавия мамлакатларида бино ва иншоотлар барпо этилган.
Марказий Осиѐда хом лой (пахса) асосида қадимги Хива, Бухоро, Термиз ва бошқа шаҳарлар қалъа деворлари барпо этилган. Қадимги Термизда Будда эҳром ва саждагоҳлари, шоҳ саройлари пахса ва хом ғиштдан қурилган бўлиб, харобалари хозирги кунгача сақланган (2.1-расм).
Пахса ва хом ғишт асосидаги бино ва иншоотларнинг вақт давомида бузилишига асосий сабаблар қуйидагилар: ер ости ва атмосфера сувлари, тузли эритмалар, техноген омиллар, ер силкинишлари, заминнинг нотекис чўкиши, нотўғри конструкциялаш ва қуриш ва х.к. Хом лой асосидаги қурилиш материаллари структураси ва мустаҳкамлигини Р.Р. Проктора, Р.Райса, В.И. Бируля, С.А. Глебов, Х. Шройдер, Д.Б. Климов, Э.Қ. Қосимов, Қ.И. Рўзиев, С.У. Исабоев, И.М. Хожиев ва бошқа олимлар ўрганганлар.
ЮНЕСКО ҳалқаро ташкилоти ўтказган архитектура ѐдгорликлари сақланиши мониторинги тарихий бино ва иншоотларнинг 50% ортиғи керамик материаллар асосида барпо этилганини кўрсатади. Керамик ғишт,
блоклар, черепица ва ш.к. пишириш жараѐни 5000-6000 йил давомида ўзгармаган. Сараланган ғишт ва плиткалар, майолика эрамиздан 1000 йил аввал ишлатилган ва босқичма – босқич, маҳсус таркиблар асосида керамика юзасини сирлаш (глазурлаш) ва ангоблаш усуллари мукаммаллашиб борган.