Samarqand viloyati Payariq tumani 61- sonli umumta’lim maktabi ona tili va adabiyot fani amaliyotchi o‘qituvchisi Bobomurodova Charos Asqarboy qizining amaliyot davrida amalga oshirgan ishlar hisoboti

Samarqand viloyati Payariq tumani 61- sonli umumta’lim maktabi ona tili va adabiyot fani amaliyotchi o‘qituvchisi Bobomurodova Charos Asqarboy qizining amaliyot davrida amalga oshirgan ishlar hisoboti.

21.02.2022 kunidan boshlab amaliyotning birinchi haftasiga chiqdik.
Amaliyotni birinchi haftasida maktab muhiti, biriktirilgan ustozlar, dars jadvali, qo‘ng‘iroqlar jadvali va sinflar bilan tanishdim.
Amaliyotning ikkinchi haftasidan boshlab esa darslarni kuzatib tahlil qildim.Darslarni kuzatish paytida shunga amin bo‘ldimki, Payariq tuman 61-maktab o‘qituvchilari darslarda hozirgi zamon texnologiyalari kompyuter, slayd, qiziqarli metodlar bilan dars o‘tib kelmoqda ekan.Bu esa o‘quvchilar qiziqishini yanada oshirmoqda.
Darslarni kuzatib borib o‘zim ham dars o‘tish ko‘nikmalariga ega bo‘la boshladim.
O‘n bir haftalik amaliyot paytimda o‘zlashtirishi past bo‘lgan o‘quvchilar bilan darsdan tashqari ishladim.Tushunmagan mavzularini har bittasiga to‘xtalib misollar orqali tushuntirdim.
Sinf rahbariga hujjat ishlariga va tadbirlarda yordam berdim.
Amaliyotning har haftasida o‘quvchilar uchun qiziqarli bo‘lgan musobaqalar tashkillashtirdim.Masalan, 09.03.2022 kuni 8-sinf qizlari o‘rtasida “Balli qizlar” musobaqasini qildik.Musobaqa shartlarida o‘quvchilar bahru bayt, har xil raqs ansambillarini ham ko‘rsatib berishdi.
Amaliyotning 14.03.2022 sanasida esa 10-sinf o‘quvchilari bilan mustaqil o‘qilgan asarlar mavzusida davra suhbati o‘tkazdim.Unda o‘quvchilar o‘zlari mustaqil o‘qigan hikoya, qissa, romanlarini tahlil qilishdi.Bundan maqsad o‘quvchilar orasida kitobxonlikni keng yoyish, targ‘ib qilish bo‘ldi deb o‘ylayman.
Hozirgi davrda o‘quvchilar orasida ko‘p kuzatilayotgan imlo savodxonligini inobatga olgan holda men 28.03.2022 kuni 10 va 8 sinf o‘quvchilariga ma’ruza bir soatlik ma’ruza o‘qidim.Unda o‘quvchilar yozishga qiynaladigan so‘zlarni yig‘ib doskaga yozib tushuntirdim.Alifbodagi X va H undoshlarini talaffuzi va imlosini aniq misollar bilan farqlab, tushuntirib berdim.
25.04.2022 kuni 8-“A” sinf o‘quvchilari ishtirokida shoir Muhammad Yusuf tavalludini xotirlab ochiq dars va tadbir o‘tkazdik.Ochiq darsda o‘quvchilar M.Yusufning eng sara she’rlarini audio tarzida ham o‘qib tayyorlab kelishdi.Tahlilchi ustozlar, Egamqulova G va Muqumova G lar tomonidan eng yaxshi audio she’r aniqlanib o‘rin egalari faxriy yorliqlar bilan taqdirlandi.
Amaliyotning 07.05.2022 kunida 10-“A” sinfiga “Dunyo tillari va o‘zbek tili” mavzusida ochiq dars o‘tdim.Darsda o‘zbek tili va dunyo tillarini tushuntirib berdim.
Ushbu sanada 10-“A” sinf o ‘quvchilari ishtirokida “Xotira –muqaddas , Xotira sharaf” shiori ostida tadbir o‘tkazdik.Tadbir davomida o ‘quvchilar ajoyib chiqishlarini namoyish etishdi.
23.05.2022 sanasida IV chorak tugayotgani munosabati bilan ona tili va adabiyot fanlari o‘qituvchilari Muqumova G va Egamqulova G lar bilan birgalikda har bir sinfdan test sinovlarini oldik.
Amaliyotning oxirgi haftasida menga biriktirilgan o‘qituvchi bilan birgalikda amaliyot paytida yo‘l qo‘yilgan kamchiliklar va yutuqlar haqida suhbatlashdik.

Maktab direktori: Abulqosimov O’

Amaliyot rahbari: Muqumova G