Samarqand veterinariya meditsinasi institutining

O‘zbekiston Respublikasi Fanlar akademiyasi

Genomika va bioinformatika markazi

katta ilmiy xodimi, PhD A.H.Makamov

Samarqand veterinariya meditsinasi institutining 5A410603-Qishloq xo’jalik hayvonlarini urchitish, ko’paytirish va ularni seleksiyasi (Hayvonot turlari bo’yicha) mutaxasisligi bo‘yicha magistrantlar tayyorlash uchun “Qishloq xo‘jaligida industrial bio-nanotexnologiya” fanidan tayyorlangan fan dasturiga

T AQRIZ

Respublikamizda magistratura bosqichida tahsil olayotgan talabalarni har tomonlama yetuk mutaxassis bo‘lib yetishishlari uchun ularni zamon talablariga javob beradigan dasturlar asosida o‘qitish kelgusida shu sohaning malakali mutaxassisi bo‘lib yetishishlariga zamin yaratadi.

O‘zbekiston Respublikasi Prezidentining 2017 yil 20 apreldagi “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909-sonli, 2017 yil 1 iyundagi 2017 yil 27 iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi PQ- 3151-sonli va 2018 yil 8 maydagi “Samarqand veterinariya meditsinasi institutini tashkil etish to‘g‘risida”gi PQ-3703-sonli qarorlarida belgilangan vazifalar ijrosini ta’minlash maqsadida 5A410603-Qishloq xo’jalik hayvonlarini urchitish, ko’paytirish va ularni seleksiyasi (Hayvonot turlari bo’yicha) mutaxasisligi bo‘yicha magistrlar tayyorlash uchun “Qishloq xo‘jaligida industrial bio-nanotexnologiya” fanidan dastur ishlab chiqilgan.

Fan dasturda “Qishloq xo‘jaligida industrial bio-nanotexnologiya” fanining mazmuni, predmeti, mohiyati, maqsadi va vazifalari, uzviylik va uzluksizlik nuqtai-nazaridan mantiqiy ketma- ketlikda o‘z aksini topgan. Fanni chuqur o‘rganish tegishli sohalar muammolarini hal qilishda muhim rol o‘ynaydi hamda texnologik jarayonlarini jadallashtirish, laboratoriya va ishlab chiqarish sharoitida tirik sistemaning nanohodisalari va naomexanizmalarini modellashtirish va ularni qayta tiklash masalalarini o‘rganish, tirik organizmlar ishtirokida nanobo‘lakchakchalar va nanomashinalar yaratish hozirgi zamon biologiyasi muammolarini yechish yo‘llarini atroflicha qamrab oladi. Bu fan 5A410603-Qishloq xo’jalik hayvonlarini urchitish, ko’paytirish va ularni seleksiyasi (Hayvonot turlari bo’yicha) mutaxasisliklarida o‘qitilib, boshqa mutaxasislik fanlarining nazariy va uslubiy asosini tashkil qiladi

Mazkur fan dasturi davlat ta’lim standartlariga mos ravishda tuzilgan bo‘lib, uslubiy jihatdan to‘g‘ri, mazmunan tushunarli, hozirgi kundagi huquqiy- me’yoriy hujjatlar talablariga javob beradi.

Yuqoridagilarni inobatga olib, “Qishloq xo‘jaligida industrial bio-nanotexnologiya” fanidan fan dasturini tegishli ta’lim yo‘nalishlari magistrlarni tayyorlashda o‘quv jarayoniga joriy qilish va chop qilishga tavsiya qilaman.