Samarqand veterinariya meditsinasi institutining

O‘zbekiston Respublikasi Fanlar akademiyasi

Genomika va bioinformatika markazi

katta ilmiy xodimi, PhD A.H.Makamov

Samarqand veterinariya meditsinasi institutining5A320501 -Biotexnologiya (veterinariya)mutaxasisligi bo‘yicha magistrantlar tayyorlash uchun“Sanoat biotexnologiyasi va bioinjeneriya” fanidan tayyorlangan fan dasturiga

T AQRIZ

Respublikamizda magistratura bosqichida tahsil olayotgan talabalarni har tomonlama yetuk mutaxassis bo‘lib yetishishlari uchun barcha shart-sharoitlarni yaratish muhim ahamiyatga ega. Ularni zamon talablariga javob beradigan dasturlar asosida o‘qitish kelgusida shu sohaning malakali mutaxassisi bo‘lib yetishishlariga zamin yaratadi.

O‘zbekiston Respublikasi Prezidentining 2017 yil 20 apreldagi “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909-sonli, 2017 yil 1 iyundagi “O‘zbekiston Respublikasi Davlat veterinariya qo‘mitasi faoliyatini tashkil etish chora-tadbirlari to‘g‘risida”gi PQ-3026-sonli, 2017 yil 27 iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi PQ- 3151-sonli va 2018 yil 8 maydagi “Samarqand veterinariya meditsinasi institutini tashkil etish to‘g‘risida”gi PQ-3703-sonli qarorlarida belgilangan vazifalar ijrosini ta’minlash maqsadida 5A320501 -Biotexnologiya (veterinariya) mutaxasisligi bo‘yicha magistrlar tayyorlash uchun “Sanoat biotexnologiyasi va bioinjeneriya” fanidan dastur ishlab chiqilgan.

Fan dasturda “Sanoat biotexnologiyasi va bioinjeneriya”fanining mazmuni mohiyati, predmeti, maqsadi va vazifalari, tirik organizmlardan foydalanib sanoat miqyosida mahsulot ishlab chiqarish uchun foydalanish borasidagi bilimlar va imkoniyatlarni o‘zlashtirishdagi ahamiyati haqida tushunchalar uzviylik va uzluksizlik nuqtai-nazaridan mantiqiy ketma- ketlikda o‘z aksini topgan. Ushbu fanni chuqur o‘rganish tegishli sohalar muammolarini hal qilishda muhim rol o‘ynaydi.

“Sanoat biotexnologiyasi va bioinjeneriya” fanini o‘rganish, bunday texnologik jarayonlarini jadallashtirish, sanoat miqyosida qo‘llanilayotgan biotexnologik jarayonlar, unda ishtirok etadigan tirik organizmlardan foydali mahsulotlar ishlab chiqish va ulardan biologik faol moddalar olish, biotexnologiya yordamida hozirgi zamon biologiyasi muammolarini yechish yo‘llarini qamrab oladi.

Mazkur fan dasturi Davlat ta’lim standartlariga mos ravishda tuzilgan bo‘lib, uslubiy jihatdan to‘g‘ri, mazmunan tushunarli tilda yozilgan, hozirgi kundagi huquqiy- me’yoriy hujjatlar talablariga javob beradi.

Yuqoridagilarni inobatga olib, “Sanoat biotexnologiyasi va bioinjeneriya” fanidan fan dasturini tegishli ta’lim yo‘nalishlari magistrlarni tayyorlashda o‘quv jarayoniga joriy qilish va chop qilishga tavsiya qilaman.