Samarqand veterinariya meditsinasi instituti

Hayvonlarni suv yo‘llari bilan tashish - bu holda ham hayvonlar avvaldan tashishga tayyorlanadi. Bunda maxsus jihozlangan barjalardan foydalaniladi. Hayvonlarni ortadigan joylar, turadigan joy, ehtiyot oziqa, suv, asbob-anjomlar, oziklantirish joyi, veterinariya nazorat xizmati, zararsizlantirish joylari va boshqalar bo‘lishi kerak.

Hayvonlarni kemalarda tashilganda har bir hayvon uchun quyidagicha joy ajratiladi. Naslli otlarga 2,5-3 m², ishchi otlarga 2,0-2,25, buqa va yirik sigirlarga 2,25-2,5, buzoqlarga 1-1,5, qo‘y-echkilarga 0,5-0,75, yirik cho‘chqalarga 1,0-1,5 yoshlariga 0,5-0,75, cho‘chqa bolalariga 0,3-0,5 m² joy bo‘ladi. Hayvonlarga qarash va oziqlantirish, sug‘orish ishlarini kuzatuvchi bajaradi. O‘rtacha har bir kuzatuvchiga 20 bosh ot yoki qoramol, 60 bosh qo‘y-echki va 30 bosh cho‘chqa va buzoq, 10 ta katak parranda yoki quyon to‘g‘ri kelishi kerak.