Samarqand

Ma'muriy huquq amalda
Har bir kishining hayotida shunday kun yo'qki, u ma'muriy huquq ko'rinishlariga duch kelmasin: transportda yurish, uy-joydan foydalanish, do'kondan xarid qilish, ko'cha va uyda o'zini tutish, tabiatni muhofaza qilish va ko'plab boshqa holatlar bunga misoldir. Ma'muriy huquq fuqarolarning jamoat joylarida davlat tomonidan belgilangan tartibga, shuningdek, jamiyat hayotining barcha sohalarini boshqarish tartibiga rioya qilishlarini tartibga soladi. Fuqarolarning ma'muriy huquq sohasidagi huquqlari, burchlari va javobgarligi O'zbekiston Respublikasining Konstitutsiyasi va Ma'muriy javobgarlik to'g'risidagi kodeksida mustahkamlab qo'yilgan
1-topshiriq.
Vaziyatni o'qib chiqing. Fikringiz- cha, qonun va huquq sohasiga taalluqli bo'lgan barcha holatlarni belgilang.
Shunaqasi ham bo'ladi-da: erta tongdanoq Manzura opaning barcha ishlari chappasiga ketdi. Yarim tungacha devor-darmiyon qo'shninikida o'yin-kulgi tinmadi - tug'ilgan kunni nishonlashdi. Manzura opa uzoq vaqt uxlay olmadi, ertalab esa ko'zi uyquga ketib qoldi. U tezda kiyinib, yo'lakka yugurdi. Qorong'i yo'lakda qo'shnisining o'g'lini ko'rmay qoldi va salom berganida cho'chib tushdi. Jahl ustida bolaga shapaloq urib yubordi va oyoq ostida o'rmalab yurgani uchun urishib berdi. So'ngra avtobusga chiqishga ulgurish uchun ko'chani svetoforning qizil chirog'i yonib turganida kesib o'tib chopishiga to'g'ri keldi. Bu yerda Manzura opa shoshilinchda uyda oylik yo'l chiptasini unutganini bildi. U "quyon" bo'lib yurmaslik uchun konduktordan chipta sotib oldi. Yo'lda borarkan Manzura opa telefon stantsiyasiga kirish va uzib qo'ymasliklari uchun telefon haqini to'lash kerakligini eslab qoldi. Ishga Manzura opa shu kuni kechikib bordi. Boshliq unga hayfsan berdi va mukofotdan mahrum qilishi to'g'risida ogohlantirdi.