Samarqand

Hammamiz iste'molchimiz
Tovarlar yoki xizmatlarni sotib oluvchi yoki ulardan foydalanuvchi kishi iste'molchidir. Tish shifokoriga, sartaroshga borsangiz, yoki transportda yursangiz, yoxud poyabzalingizni, budilnikni tuzatish uchun ustaga topshirsangiz, siz xizmatlar iste'molchisi hisoblanasiz. Oziq-ovqat mahsulotlari yoki sanoat tovarlarini sotib olsangiz, ularning iste'molchisi bo'lasiz. Magnitofondan kuy tinglasangiz yoki changyutkichdan foydalanib xonani tozalasangiz ham iste'molchi hisoblanasiz. Harama tovarni o'zingiz sotib olmasdan, unga ota- onangiz, qarindoshlaringiz pul to'lasa ham, baribir siz iste'molchisiz. Odam tug'ilgan paytdan boshlab umrining oxirigacha iste'molchi bo'ladi.
1-topshiriq.
Quyidagi savollarga javob bering:
1.Siz xarid qilish uchun bozor va dokonga borishni yaxshi ko’rasizmi?
2.Odatda siz nimalarni xarid qilasiz?
3.Siz nimalarni xarid qilishni yoqtirasiz, nimalarni yoqtirmaysiz?
4.Bunda siz qanday muammolarga duch kelasiz?
Odatda siz ota-onangiz yordamisiz mayda xaridlar qilasiz, masalan, yozuv-chizuv qurollari, kitoblar, oziq-ovqat do'konlaridan esa - oila uchun non, sut, sariyog' sotib olasiz. 15 yoshdan oshgan o'smirlar ota-onalarining ruxsati bilan qimmatroq narsalarni xarid qilishlari mumkin. Lekin kattalar ham, bolalar ham bir xil muammolarga to'qnash keladilar.