Samarqand shahar hokimligining Tadbirkorlik subyektlarini davlat

---

1 

 

1-kazus 

Samarqand  shahar  hokimligining  Tadbirkorlik  subyektlarini  davlat 

roʼyxatidan  oʼtkazish  boʼlimi  tomonidan  2003-yil  17-aprelda  314-Q-raqam  bilan 

roʼyxatga  olingan  “TX”  MChJning  taʼsis  shartnomasiga  koʼra,  jamiyatning  ustav 

fondi 30 000 000 soʼmni  tashkil etib, uning ishtirokchilari Xaydarov Tuxtamurod 

Xaydarovich (96,5 foiz ulush bilan) va Li Svetlana (3,5 foiz ulush bilan) hisoblanadi. 

MChJning 2018-yil 27-iyun kuni oʼtkazilgan taʼsischilar umumiy yigʼilishida 

jamiyatga  tegishli  boʼlgan  Samarqand  shahar  Choʼpon  ota  maskani  10-manzilda 

joylashgan 3 ta savdo doʼkonini toʼgʼridan-toʼgʼri muzokaralar oʼtkazish yoʼli bilan 

rieltorlik  tashkiloti  orqali  sotish  masalasi  koʼrib  chiqilgan.  Ushbu  kun  jamiyat 

taʼsischilari  tomonidan  kun  tartibidagi  masala  bir  ovozdan  maʼqullangan  va  bu 

haqda 1-sonli umumiy yigʼilish bayoni rasmiylashtirilgan.  

Biroq,  MChJ  taʼsischisi  Li  Svetlana  2012-yil  25-mayda  Oʼzbekiston 

Respublikasidan chiqib ketganligini, hozirgi kunga qadar Rossiya Federatsiyasining 

Moskva  shahrida  oʼgʼli  bilan  istiqomat  qilib  kelayotganligini,  jamiyatga  tegishli 

boʼlgan  savdo  doʼkonlarini  sotish  haqida  2018-yil  27-iyun  kuni  oʼtkazilgan 

taʼsischilar  umumiy  yigʼilishida  u  qatnashmaganligini,  yigʼilish  bayonining  qaror 

qismidagi imzo ham unga tegishli emasligini, bu haqda 2020-yil 28-iyul kuni xabar 

topganligini taʼkidlab sudga murojaat etgan hamda “TX” MChJning 2018-yil 27-

iyun  kuni  oʼtkazilgan  taʼsischilar  umumiy  yigʼilishi  qarorini  haqiqiy  emas  deb 

topishni soʼragan.  

MChJ  taʼsischisi  taʼsischilar  umumiy  yigʼilishida  ishtirok  etmasligi  uning 

uchun  qanday  huquqiy  oqibatlarni  yuzaga  keltiradi?  MChJ  taʼsischilar  umumiy 

yigʼilishi  qarorini  haqiqiy  emas  deb  topish  qanday  huquqiy  oqibatlarni  yuzaga 

keltiradi? Vaziyatga huquqiy baho bering. 

 

                   

 

---