Samarqand iqtisodiyot va servis instituti raxmatulla xaitboyev ekologik turizm

Hindiston.
Dunyo ekoturizmida liderlikka davo qilayotgan, 
betakror tabiiy ekotizimlarga ega davlat. Milliy parklari dunyoga 
mashhur va ularning deyarli barchasi haqida ekofilmlar yaratilgan. 
Bu ekofilmlarni sotishdan ham yaxshi foyda oladi. Dunyo 
miqyosidagi ekoturistlar asosan Hindiston yo‘lbarsi va Hindiston 
filini ko‘rishga, okean qirg‘oqlarida dengiz toshbaqalarini ko‘rishga 
kelishadi. Xalqaro ekoturizmni shunday mukammal tashkil qilganki, 
ekoturistlar ko‘pincha Hindistonning tosh ibodatxonalarining 
tomoshasi bilan o‘z muddatlarini uzaytirishganini ham bilmay 
qoladilar.
Xitoy. 
Xitoy xalq respublikasi. O‘rmon qo‘riqxonalari va o‘rmon 
parklarining soni bo‘yicha dunyoda birinchi o‘rinni egallaydi. 
Xitoyda 1757 ta o‘rmon qo‘riqxonalari, 1658 ta o‘rmon parklari 
bor. Shulardan 6 ta o‘rmon qo‘riqxonalari va o‘rmon parklari 
YUNESKOning jahon xalqlarining milliy merosi ro‘yxatiga 
kiritilgan. 
Xeylunszyan provinsiyasidagi «Qadimgi kraterli o‘rmon» 
dunyo miqyosida qadimgi holatdagi o‘rmon maqomini olgan. 
Sinxay provinsiyasining janubida 2000-yilda tashkil qilingan 
«Sanszyanyuyan» milliy parki dunyoda mashhur. Aynan 
shu yerdan dunyodagi eng katta daryolar bo‘lgan Xuanxe, 
Lankang va Chang daryolari boshlanadi. Milliy parkda 1000 
tur o‘simliklar, 74 tur hayvonlar, 174 tur qushlar, 48 tur 
reptiliyalar muhofaza qilinadi.
Finlandiya.
Shimoliy iqlimli davlatlar orasida ekoturizmni 
rivojlantirishning barcha imkoniyatlari mavjud degan xulosani 
olgan davlat. Minglab ko‘llari, dunyodagi eng qalin o‘rmonlari, 
dengiz sohillari yil davomida xalqaro ekoturistlarni chorlaydi. 
Shimoliy shafaqni ko‘rish va tomosha qilish uchungina har yili 
yuz minglab xalqaro ekoturistlar kelishadi. Qorboboning vatani 
Finlandiya va qorbobo tug‘ilgan joy – Laplandiyaning o‘ziga yil 
davomida millionlab xalqaro turistlar tashrif buyurishadi. 30 ta 
milliy parki bor. Ekologlarning xulosalariga ko‘ra ularning ko‘plari 
hali o‘rganilmagan.