Samarqand iqtisodiyot va servis instituti raxmatulla xaitboyev ekologik turizm

Islandiya. 
Eng shimoldagi bu davlat vulkanlar va geyzerlar, 
fordlar va aysberglar, orollar va kichik, shinam uyli chiroyli 
qishloqlari bilan dunyoga mashhur. Qayd qilingan turizm 
resurslari, takrorlanmas shimoliy tabiiy landshaftlari, sanoqsiz 
ko‘llari va muzliklar qoyalaridan tushuvchi takrorlanmas 
sharsharalarini ko‘rish uchun dunyoning barcha qit’alaridan 
ekoturistlar yil davomida tashrif qilishadi. Bu yerda dunyodagi 
eng katta Xaukadalur geyzerlar vodiysida 250 ta geyzerlar 
doimiy ravishda otilib turadi. Yuz minglab ekoturistlar shimoliy 
shafaqni va shimoliy dengizlarning hayvonlarini, balandligi 900 
metrli muzlik qalpog‘ini ko‘rish uchungina kelishadi. 
Avstraliya.
Ilmiy adabiyotlar tahlilidan ma’lum bo‘ladiki, 
Avstraliya ekoturizmni uning tamoyillariga asoslanib tashkil 
qilgan va jahonda ekoturizmni ilmiy-amaliy qoidalariga asosan 
rivojlantirayotgan lider davlat hisoblanadi. Bu davlat ekoturizmni 
o‘z davlatining hududlarida tashkil qilganda hududlarni ijtimoiy-
iqtisodiy rivojlantirishning davlat dasturlarini ishlab chiqadi va 
hududning tabiiy resurslarini hisobga olgan holda ekoturizmni 
rivojlantirish imkoniyatlarini o‘rganadi.
Xalqaro ekoturizm bozorida eng ommaviylashgan 10 ta 
ekoturistik marshrut reytingi bo‘yicha Avstraliya so‘nggi o‘n 

---

110
111
yillikda birinchi o‘rinlarni egallab kelmoqda. Avstraliyada 
ekologik turizm bilan 9 ta milliy kompaniya shug‘ullanadi. 
Birgina “Australian Eco Adventures” milliy ekoturizm 
kompaniyasining 75 ta turmahsuloti (ekoturistik marshruti)
xalqaro ekoturizm bozorida sotiladi. Avstraliyada 55 ta milliy 
park bor. Shulardan 10tasi YUNESKOning jahon xalqlari 
milliy merosi ro‘yxatiga kiritilgan. Katta Rif va Avstraliya 
kengurularini butun dunyo biladi.