Samarqand iqtisodiyot va servis instituti marketing kafedrasi

Vazuyatli masala yuzasidan savol va topshiriqlar:
1. Ikkita salon-magazin strategik pozisiyalaridagi farq nimadan iborat? Ularning mijozlari qanday, nima bilan farq qiladi, qanchalik doimiy bo’lishi mumkin?
2. “Afruza” salon-magazini maqsadli imidji qanday bo’lishi lozim?
3. “Afruza” reklama adresatlari e’tiborini qanday qaratishni tavsiya qilgan bo’lardingiz?
4. “Afruza” salon-magazini uchun reklama rejasi taklif eting.


7-MAVZU. GLOBAL MARKETING TIZIMIDA TOVAR SIYOSATI
(4 soat)


7.1- amaliy mashg’ulot. Global marketingda tovar siyosati va tovar raqobatbardoshligi.
Reja:
1. Xalqaro bozorga yetkazib beriluvchi tovarning umumiy tavsifnomasi.
2. Jahon bozorlarida tovarlarni qadoqlash va bezash.
3. Raqobatbardoshlik va sifatni ta’minlash tizimida sertifikatsiya va standartlash.


Nazorat va muhokama uchun savollar:
1. Mamlakatimizda iqtisodiyotning real sektori korxonalarini qo‘llab-quvvatlash borasida qanday choralar ko‘rilmoqda?
2. Xalqaro marketingda tovar siyosatining mohiyati va xususiyatlarini ochib bering.
3. Mahsulotni xalqaro rejalashtirishning asosiy strategiyalarini aytib bering.
4.Tovarni moslashtirish strategiyasi doirasida mahsulot modifikatsiyasining asosiy variantlarini sanab bering.
5. Tovar raqobatbardoshligini ta’minlashning o’ziga xos xususiyatlari nimada?


Amaliy mashg’ulot uchun topshiriqlar:
1-topshiriq.
“Nurafshon” kompaniyasi ekspertlari bozordagi vaziyatga bog’liq holda quyidagicha foyda ko’rsatkichlarini aniqladi (mln. so’m.):

Kompaniya strategiyasi	Vaziyatga bog’liq holda foyda
	1-vaziyat	2-vaziyat	3-vaziyat
1.Sovutgich.	48	67	52
2. Muzlatgich	89	24	46
3. Konditsioner	72	49	76

Agar ekspertlar barcha tovarlarga bo’lgan talab o’sib, uning strukturasi o’zgarmay qolishigaqat’iy ishonadigan bo’lsa, qaysi strategiyani tanlash kerak bo’ladi? Nima sababdan? Agar risk mavjud bo’ladigan, ekspertlar 1-vaziyatni 40%, 2-vaziyatni 35%, 3-vaziyatni 25% baholaydigan bo’lsa, bu holda qaysi strategiyani tanlagan ma’qul? Aytaylik, tovarni sotish sharoitlari noqulay bo’lsin. Siz qaysi strategiyani taklif qilgan bo’lardingiz?